Vastelaovendsvierder vaan 't jaor
Sinds 1956 iert De Tempeleers eder jaor 'ne Vastelaovendsvierder vaan ’t jaor – 'ne persoen, duo of gróp dee ziech op bezunder wijs heet ingezat veur de Mestreechter Vastelaovend.
De naom weurt traditioneel nao de Vastelaovend bekindgemaak, tijdens de jaorvergadering in november. De gekoze vastelaovendsvierder oontvingk 'n miniatuur vaan 't Momuskenon es symbool vaan waardering en traditie. Tijdens de volgende Vastelaovend heet heer/zie d'n ier um mèt de negende sjeut vaan 't Momuskenon de Vastelaovend in te sjete, es teike tot de geis vaan de Vastelaovend levend weurt gehawwe.
De tekste euver de vastelaovendsvierders zien tot stand gekoume mèt mètwèrking vaan Ronald Gossieau (vastelaovendsvierder 2008).
(foto: Nico Bastens)
