De Tempeleers

Op 16 november 1945 zaog carnevalsvereineging De Tempeleers 't levesleech in de Momustempel. 't Initiatief kaom vaan Frans Thewissen, dee zelf ouch es kretser in 't ierste bestuur plaotsnaom. 't Bestuur bestoont wijer oet dr. Jef Heijdendael (veurzitter), mr. Herman Kortebos (habsjaar), Bèr Retrae en Sjo Smeets. Léon Schreuder kraog de rol es sirremoniemeister.

De hiere hadde zitting in de Momustempel, dus men nump ziech Tempelhiere en is verbasterd tot Tempelere: Tempeleers mèt 'ne knikoug nao de leefde veer e steveg glaas beer en de link mèt de Momustempel.

Sinds 1946 zien De Tempeleers 't geziech vaan de Mestreechter Vastelaovend. Ze combinere 't hoejere vaan iewe-aw tradities mèt 't touwveuge vaan nui eigetijdse illeminte. Meh, altied steit 't devies 'Plezeer en Sjariteit' centraol.