Wat waor 't fantastisch! 'ne Sjoenere Vastelaovend hadde veer us neet kinne winse. Straolend weer, vol straote en 'ne grandioze sfeer. Meh veural eur vrundsjap zalle veer neet gaw goon vergete. Euveral boe veer koume woorte veer mèt wermte oontvaange. Geer höb laote zien wie sjoen Mestreech en de Mestreechter Vastelaovend kin zien. Blijf dat doen! Blijf die sjatkis mèt tradities en verhaole hoejere en aonvölle. En gef ze door aon de volgende ginneraties. Laote v'r 't gelök en plezeer dat Vastelaovend us gief, blieve deile. 't Waor 'n ier uuch te mage veurgoon mèt de drei sjoenste daog vaan de Vastelaovend. Daankzij 't zönneke 'ne Vastelaovend mèt gepitsde uigskes. Nog eine kier: Bedaank! Carlo, Anouk en Annalou