Oonderwijl de zon hoeg aon d’n hiemel steit en Mestreech zich tegood deit aon ieskes, festivals en e drenkske op ‘t terras, zien de Tempeleers alweer volop in de weer mèt de veurbereiinge veur ’t nui vastelaovendssezoen. Allewel de möts en ‘t nondezjuke nog wel eve in de kas haange, zit Vastelaovend bij us noets in de zomerslaop!
Achter de sjerme is ’t ein en al activiteit. Veer zien drök mèt ‘t oetwèrke vaan nui ideeje, de veurbereiinge veur de Groeten Optoch en Femilieoptoch én – jawel – de zeuktoch nao de nuie Stadsprins!
Zèt alvas in d’nen agenda:
Prinsoetrope: 18 jannewarie 2026
Kaffee De Zeuten Inval: 23 en 24 jannewarie 2026
‘t Prinsebal: 31 jannewarie 2026
Vastelaovend: 15-17 fibberwarie 2026
Veer spitse us noe al op e fentastisch sezoen veur joonk en aajd, boebij Plezeer en Sjariteit neet vergete weurt. De ierste bezeuke zien al weer vasgelag. Want mèt Vastelaovend hoof niemes langs te kant te stoon. Veur ederein is plaots in de rijaloet.
Vastelaovend make v’r same, en dat begint noe al – zelfs mèt zonnebrèl op.
Wèlste niks misse vaan wat koume geit? Blijf dan eus website én socials volge veur ‘t lèste nuits, foto’s en aander verrassinge.
’t Aoftèlle is begonne…