’t Preuvenemint is weer achter de rögk, en daan wèt edere Mestreechteneer tot ouch de Tempeleers weer aon de geng goon. Veurnaomelek veur de zeuktoch nao dee eine Mestreechse jongemins dee gesjik weurt bevoonde um Mestreech veur te goon mèt de Vastelaovend.
Es extra aonvölling op hun traditionele zeukproces make de Tempeleers dit jaor ouch gebruuk vaan SjengGPT, de Mestreechse variant op ChatGPT. Aon deze AI-tool is oonder mie de vraog gestèld aon welke ‘vereiste’ de nuie stadsprins vaan Mestreech moot voldoen. Tempeleers-oetbelder Armand Peereboom: “Uiteraard goon veer mèt euzen tied mèt, en este hölp kins kriege vaan moderne middele bij deze zier belangrieke zeuktoch, mooste dat zeker neet laote.”
Wat SjengGPT, ‘n initiatief vaan Pascal Hegt, antwoordde op de zeukvraog vaan de stadscarnevalsvereineging is hei te zien. Uiteraard is SjengGPT ‘n hölpmiddel, en neet allesbepaolend, benaodrök Peereboom. “De belangrijkste stum is en blijf aon ‘t volk vaan Mestreech. Zie mote kandidaote aondrage mèt daobij de gooj motivatie zoetot ‘t dreimansjap astrein obbenuits de allerbèste weit te vinde.”
Wèts diech wee dé kandidaot is um stadsprins vaan Mestreech te weure?
Geef ‘m daan op via dit formuleer.