Mestreech zeet geer veerdeg deveur (Veer geve gaas gaas gaas)

Teks en meziek: Dennis Soulier
Oetveurende: De jäög vaan Mestreech (Myléna Soulier, Levy van Dijk, Dorian Haine & Suze Klomp)

Couplèt 1:
Iech staon es ierste op ‘t Vriethof, ’t zönneke sjijnt good
Dat Vastelaovendsvirus zit al jaore in mien blood,
Confetti, schminck en maskes, ouch pruke die goon mèt
‘t Is eine groete kleurenprach, wat vin iech dat toch vèt
Meziek en klaank die huur iech al, de hermenie kump aon
Dao kump de ierste rijaloet, iech zweer tot iech mèt gaon

Refrein:
Veer geve gaas gaas gaas tot de zon nao oonder geit
Veer geve gaas gaas gaas tot eus leedsje euversleit
En höb iech daan e lekker gleeske fris gehad
Daan blijf iech nog get langer bij mien vrun hei in de stad
Veer geve gaas gaas gaas höb nog gein blaore op mien veuj
Jao jao veer goon nog eve door want veer zien nog neet meuj

Couplèt 2:
Gaon iech dit jaor es majoretsje, en iech es brandweermaan
Iech kin gaaroets neet keeze, weur tureluurs devaan
Meh wat maak ’t noe oet sjat, zag ampa tege miech
‘t Geit mèt Vastelaovend um dee lach op dien geziech
Iech ruuk de kies en weurs al, ouch chips en snop stoon klaor
Confetti zuuste euveral, die drei daog in ’t jaor