Altied al mie wèlle liere euver deen unieke Mestreechter Vastelaovend? Hèlste vaan lekker ete?
Daan is de Masterclass Carnevalogie de perfekte meneer um in de carnevalsstumming te koume!
In de veer weke veur Vastelaovend zien weer ‘n aontal mominte boe uuch verduts weurt wie ‘t allemaol zit.
Dit jaor is ‘t thema De Boonte Störm, dus weer ‘n aander verhaol es in ieder edities.
G’r krijg minimaol drei geng in ein vaan de TOP restaurants vaan Les Tables Mestreech.
Mèt es aofsleting ‘ne ludieke kwis.
En passant steunt g’r ouch nog de Mestreechter Vastelaovend en sjariteit!
En dat veur mer €44,00 per couvert! (Exclusief servicekoste en draank is veur eige rekening).
Book gaw eur kaarte, want ‘t geit gaw!
Inloup: 18:45 oor.
Begin 19:11 oor.
Verwachden indtied: 22:33 oor (meh löp dèks get oet).
PS: Gef speciaol winse of allergieë betijds door!
Um zoeväöl meugelek carnevalsleefhöbbers te laote genete vaan dezen aovend, make veer optimaol gebruuk vaan de besjikbaar plaotse in de restaurants. Dit beteikent tot gezèlsjappe meugelek same aon ein taofel weure geplaots. ’t Sprik veur ziech tot de gróppe bijein aon ein taofel zitte. Mèt naome veur rizzerveringe vaan 2 persoene kint ’t veurkoume tot geer de taofel deilt mèt aander gaste. Wel zoe gezèlleg mèt Vastelaovend!
Lèt op: Tijdens eus eveneminte weure foto’s en video’s gemaak veur eus website en social media. Wèlt geer neet op de foto, mel dit daan bij euze fotograaf.