Veur kinder tot en mèt 12 jaor organisere de Tempeleers ouch dit jaor weer de Kinder Teikenwedstrijd. Gebruuk ein vaan de kleurplate die ste op dees pagina kins downloade of maak zelf ‘n sjoen teikening/kunstwerkske dat Vastelaovend es oonderwerp heet en maak kans op ein vaan de leuke prijze.
Wie kinste mètdoen?
Maak ‘ne foto/scan vaan dien kleurplaat, teikening of kunswerk en sjik uterlek goonsdag 4 fibberwarie 2026 tot 24:00 uur per e-mail nao teikenwedstrijd@tempeleers.nl. Vermel daobij diene naom, diene leeftied en ‘t tèllefoonnómmer vaan ein vaan dien awwers/verzörgers.
SVP Allein ‘t kunstwerk fotografere. Gein kinder op de foto’s!!!
Wie wèrk de wedstrijd?
De ingesjikde foto’s weure op eus website geplaots, zoetot ederein dien creaties kin bewoondere. Oet alle inzendinge kees de Jäögprins, -prinses of – prinsepaar ‘nen tóp 3. D’n oetslaag weurt denao bekind gemaak. Heiveur kriege de winners tèllefonisch beriech. De prijze weure in de week veur Vastelaovend oetgereik.
Bezunderhede:
‘t Formaat vaan de kleurplaat of zelf gemaakde teikening maag maximaol A4 (29,7 x 21 cm.) zien.
Vraoge?
Sjik daan ‘nen e-mail nao teikenwedstrijd@tempeleers.nl ter attentie vaan Tempeleer Huub Stevens.