Aofgeloupe jaor heet Mariken Baneke mèt us mètgeloupe veur häör studieopdrach. Zie mós de Mestreechter Vastelaovend in beeld bringe. Vaan oetrope tot vastelaovendsdinsdag en alles daotössenin. Mariken stoont veuraon, en preufde de unieke sfeer vaan de Vastelaovend in eus stad. Zie lag de sjoenste momine vas, spraok mèt Tempeleers, de börgemeister en mèt vierders en maakde zoe e geweldeg documint dat de sfeer vaan de Mestreechter Vastelaovend zier treffend vingk.