Zoondag 8 november weurt Tapijn dé plaots veur jong vastelaovendvierders. De Tempeleers trappe ’t nui vastelaovendssezoen aof mèt e fies speciaol veur kinder. ’ne Middag vol meziek, dans, schmink, lekkers en veural: same plezeer make!
’ne Middag vol plezeer
Vaan 13.00 tot 16.00 oor steit Tapijn hielemaol in ’t teike vaan de opening vaan de Jäögvastelaovend. Kinder kinne ziech laote schminken, späölselkes speule en danse en zinge in ’ne rijaloet. De kinder (en awwers) koume niks te kort: dao zal genóg lekkers um te ete en drinke te zien.
Same mèt awwers, groetawwers en vrundsjes viere v’r same de opening vaan ‘t 5de sezoen. Vastelaovend is veur ederein: eder keend is vaan harte welkom! Ouch kinder mèt ‘n specifieke behoefte. De locatie is good touwgaankelek veur rolstoolgebrukers en kinderkojtse.
De touwgaank is gratis, meh veer vraoge uuch veuraof aon te melle. Dus wach neet te lang en mel d’ch (kinder én awwers) aon veur deze gezèllege middag vol plezeer! VOL=VOL!