In memoriam: Victor Salentijn
9 februari 2023
Bedreuf, mer daankbaar en gruuts veur al wat heer gedoon heet veur de Mestreechter Vastelaovend, höbbe veer dinsdagaovend aofsjeid mote numme vaan Tempeleer Victor Salentijn.
Bekans 15 jaor laank waor heer Tempeleer en zat heer ziech in veur Plezeer en Sjariteit. Es lid vaan de PR-Kemissie en Boetegebäöre waor heer oonder mie betrokke bij 't Zate Hermeniekeskonkoer, Vastelaovendsgezèt D'n Tempeleer en 't jaorverslaag. Veer zien häöm daan ouch hiel daankbaar veur al wat heer veur de Mestreechter Vastelaovend heet gedoon.
Veer winse Brigitte, de kinder, kleinkinder en ederein dee 'm leef had väöl sterkde touw.
Victor Adie!