Bedaank veur eur inzat!
6 april 2023
Dit jaor hadde Prins Fenn d’n Ierste en Prinses Sky d’n Ierste, vaan CV De Kikkers de ier um es ierste jäöghoeglösteg koppel vaan Groet Mestreech oetgerope te weure.
En wie sjiek ginge zie de Jäög vaan Mestreech veur!
Nog eine kier ’ne groete merci aon hun én aon de sponsore/donatäörs én makers vaan de sjieke attribute boe zie mèt door Mestreech zien getrokke.
Merci aon Juul Persoon, de maker vaan de scepters, Willy Knops, de mötsemeker vaan de Tempeleers dee de prinsekap en tiara maakde én merci aon Joost Jeuken de maker vaan de Jäög-Sirremoniemeisterstaaf.
Merci netuurlek ouch aon de lui en partije die dit financieel meugelek höbbe gemaak!
De drei Ron Taofels vaan Mestreech (Ron taofel 62, 174 en 179), De Hiere Junior Kamer (JCI Maastricht), ’t Struyskommitee, Aajd Stadsprinse Sósjeteit Mestreech én De Trekkers