Vastelaovendsvierder 2007
Rob Meurders
Op de Jaorvergadering vaan 18 november 2007 woort:
Rob Meurders veurgestèld es de Vastelaovendsvierder 2007.
Wie weurt me Vastelaovendsvierder vaan ’t Jaor?
Mesjiens door iers es Sneeuwwitje Vastelaovend te goon viere, um ’t jaor denao es opticiën brèlle veur ‘ne breiere kiek op ’t leve aon de maan te bringe.
Of drei daog es tut vaan de VVV ederein, veural es ze d’r neet um vraoge, vaan informatie te veurzien. Nog sjoener: verkleid es Wolfgang Amadeus Mozart de Zate Hermeniekes es dirizjent oet hunne muzikale noed te helpe. Of de parodie ten top, es Stempeleer de Vastelaovend mèt-rangere, of swingend wie ’n Surinaomse met ‘ne “muzikale-kom-‘ns väör”.
Al dees creaties brochte väöl plezeer. Vaanaof ’t bedinke tot speul mèt de drei daog. Ze zien allemaol gerealiseerd door Rob Meurders, gebore in Klumme meh wie heer zelf zeet mèt de Vastelaovend “in Mestreech toes gekoume, um ouch neet mie weg te goon”. Mestreech is veur häöm de stad die häöm ’n podium offreert boe-op heer drei daog späölt wat heer daan ’t liefste is.