Vastelaovend 2022

Thoes-verseer-wedstrijd

Placeholdertvw

Thoes- en straotverseerwedstrijd
De Tempeleers organisere weer ‘n “Thoes- en straotverseerwedstrijd”. Verseer de väörroet , väörhoof of zelfs dien straot of plein en maak kans op ein vaan de prijze en netuurlek iewege roem.

Geiste same mèt aandere versere? Zörg daan altied deveur totste de corona-maotregele in ach nums!

Wie kinste mètdoen?
Maak ‘n foto vaan watste verseerd höbs en sjik de mies tot de verbeeldingsprekende foto per e-mail nao verseerwedstrijd@tempeleers.nl. Vermel daobij diene naom, adres en ‘t tèllefoonnómmer en de wiek boe-in totste woens.

Neet noedzakelek um mèt te doen, meh wel sjiek: deil dien foto ouch op Facebook en Instagram en plaots daobij d’n hashtag  #veerzienvastelaovend.

Wie wèrk de wedstrijd?
De ingesjikde foto’s weure in e fotoalbum geplaots op www.tempeleers.nl, zoetot ederein zien ‘creaties’ kint bewoondere. ’n Deskundege zjurie zal op 24 fibberwarie 2022 de prijze veur de bèste “thoes”-verseerders en sjiekste “straot” bekind make. De winners weure vaan d’n oetslaag op de huugde gestèld.

Bezunderhede:
Veur Mestreechtenere en neet-Mestreechtenere die boete Mestreech woene, is dao de categorie “Boeteland”.
Veurwaarde veur deilnaome is tot dao get “Mestreechs” (wie ’n Mestreechse veendel, de Mestreechter Geis of ’t Mooswief) in de versering is opgenome en ziechbaar is op de foto.

Vraoge?
Sjik daan ‘nen e-mail nao verseerwedstrijd@tempeleers.nl ter attentie vaan Tempeleer Huub Stevens.

BELOER DE INZENDINGE