Vastelaovend 2022

Kinder Teikenwedstrijd

Kleurplaat 1

Kinder Teikenwedstrijd
Wèlste plakke, kleure of fisternölle? Veur kinder t/m 12 jaor organisere De Tempeleers ouch dit jaor weer ‘n “Kinder Teikenwedstrijd”. Maak zelf ‘n sjieke teikening of kunswerkske euver carneval of gebruuk ein vaan de kleurplate dieste op dees pagina kins downloade en maak kans op ein vaan die sjiek prijze.

Wie kinste mètdoen?
Maak ‘n foto vaan dien kleurplaat of teikening en sjik dee uterlek 20 fibberwarie 2022 per e-mail nao teikenwedstrijd@tempeleers.nl. Vermel daobij diene naom, leeftied en ‘t tèllefoonnómmer vaan ein vaan dien awwers/verzörgers.

Neet noedzakelek um mèt te doen, meh wel sjiek: deil dien foto ouch op Facebook en Instagram en plaots daobij d’n hashtag  #veerzienvastelaovend.

Wie wèrk de wedstrijd?
De ingesjikde foto’s weure in e fotoalbum geplaots op www.tempeleers.nl, zoetot ederein zien ‘creaties’ kint bewoondere. Oet alle ingesjikde kunswerkskes stèlt ’n geheim kemissie vaan de Tempeleers ‘nen tóp drei same. D’n oetslaag weurt 24 fibberwarie 2022 bekind gemaak en de prijze weure dezelfden daag oetgedeild. Hei euver kriege de winners beriech.

Bezunderhede:
‘t Formaat vaan de kleurplaat of zelf gemaakde teikening maag maximaol A4 (29,7 x 21 cm.) zien.

Vraoge?
Sjik daan ‘nen e-mail nao teikenwedstrijd@tempeleers.nl​ ter attentie vaan Tempeleer Huub Stevens.

DOWNLOAD KLEURPLATE

BELOER DE INZENDINGE