Subpagina's

Thoes-verseer-wedstrijd

Placeholdertvw

In samewèrking mèt de SMV en de Keemeleers organisere v'r 'n Thoes Verseerwedstrijd. Verseer dien väörroet, d'n hoof of mesjiens zelfs de straot en maak kan um in de tóp 22 terech te koume.

Geiste same mèt aandere versere? Zörg daan altied daoveur totste de corona-maotregele in ach nums!

Wie kinste mètdoen?

Maak foto’s vaan watste verseerd höbs en sjik de mies tot de verbeelding sprekende foto per e-mail nao info@tempeleers.nl.
Vermel daobij d'ne naom, adres, tèllefoonnómmer en de wiek boe-in totste woens. Insjikke tot 9 fibberwarie!

Neet noodzakelek um mèt te doen, meh wel leuk: deil d'n foto’s op Facebook en Instagram en plaots daobij #veerzienvastelaovend.

Wie wèrk de wedstrijd?

De ingesjikde foto’s weure per wiek in e fotoalbum geplaots op www.tempeleers.nl, zoetot ederein z'n ‘creaties’ kint bewoondere. 't Lid vaan de SMV dat verantwoordelek is veur de betreffende wiek kees nao e rundsje door de wiek 'ne winner oet 't fotoalbum. De Keemeleers keze 'n winner veur groet Wieck en de Tempeleers veur 't stadscentrum en de wieken die neet door e lid vaan de SMV zien aofgedèk. De Tempeleers deile tevens 'n aontal ‘wild cards’ oet um oeteindelek tot 'nen tóp 22 te koume.

D'n tóp 22 weurt vriedag 12 fibberwarie 2021 op 'n naoder te bepaole wijs gepubliceerd.

Oet d'n tóp 22 stèlt 'n geheim kemissie vaan de Tempeleers 'nen tóp drie same.
In TV de Boonte Störm op Vastelaovendszoondag weurt d'n tóp 3 bekind gemaak en weure de prijze oetgedeild.

 

Bezunderhede:

-CV de Mallebergers, CV de Sjraveleirs en CV de Waterratte höbbe hun eige ‘verseerwedstrijd’. De winners vaan dees wedstrijd koume automatisch in d'n tóp 22 terech. 't Zou wel leuk zien es v'r toch foto’s oet dees wieke mage oontvaange veur de fotoalbums en e compleet beeld.

-Veur Mestreechtenere die boete Mestreech woene is dao de categorie ‘Boeteland’. Veurwaarde veur deilnaome is tot dao get 'Mestreechs' (wie de Mestreechse veendel, de Mestreechter Geis of ’t Mooswief) in de versering is opgenome en ziechbaar is op de foto.

 

Vraoge?
Sjiek daan 'nen e-mail nao info@tempeleers.nl ter attentie van Tempeleer Huub Stevens.

Alle inzendinge zien te beloere in eus fotoalbums.