Nuits

Tempeleers zètte esnog ‘n striep door Sezoensopening’

8 november 2021

Stadscarnevalsvereneging De Tempeleers heet de zoegeheite ‘Sezoensopening’ veur aonstaonde vriedag esnog geannuleerd. De Tempeleers beslote ieder al ‘t aontal bezeukers in de Sterzaal te beperke tot 170 persoene, meh zètte noe ‘n striep door ‘t evenemint.

Reie is ‘t touwnummend aontal coronabesmettinge, zeet oetbelder Armand Peereboom. “Ouch d’n oproop vaan Helen Mertens vaan ‘t Maastricht UMC+ en aander zörginstèllinge um carnevalsactiviteite aof te sjaole heet us gepak”, zeet Peereboom. “Volgens de landeleke regels hadde v’r eus evenemint gewoen kinne laote doorgoon, meh dat veult gewoen neet good. Daoveur tot v’r höbbe beslote eus 'Sezoensopening', die al kleinsjaoleger waor es aanders, aof te gelaste. Mèt daobij ouch metein d’n hoop tot es v’r noe op de rem goon stoon, v’r straks in fibberwarie ‘ne sjieke Vastelaovend kinne viere.”

Trök nao 't euverziech