Nuits

Tempeleers viere 100+77 jaor Vastelaovend

7 november 2022

Stadsvastelaovendsvereineging De Tempeleers viert dit jaor 100+77 jaar Vastelaovend in Mestreech.

100 jaor vaanwege ’t oontstoon vaan de Momus Sociëteit in 1839, ’t jaor boe-in de georganiseerde Mestreechter Vastelaovend ’t levensleech zaog. De Momus waor actief tot 1939. Nao de oorlogsjaore kraoge De Tempeleers in 1945 het carnevalsstekske en de bijhurende rillekwieje euvergedrage vaan de Momus en sindsdeen drage zie zörg veur de organisatie vaan ‘t groetste volksfies vaan de stad. Oetbelder Armand Peereboom: “Netuurlek zien veer gruuts op 77 jaor Tempeleers, meh veer wèlle eus illustere veurgengers zeker neet vergete. Daorum viere veer ouch 100 jaor Momus. Mer eigelek vier veer 177 jaar vastelaovend in Mestreech, want ’t geit neet um us, ’t geit um dat manjefieke fies dat sinds jaor en daag ein vaan levensaojers vaan eus stad is.”

’t Zjubilei steit centraal bij alle aktiviteite vaan De Tempeleers dit vastelaovendssezoen. De ierste aktiviteite stoon in november gepland en starte uiteraard bij ‘t begin vaan ‘t Vijfde Sezoen op 11-11.


11-11
Opebaar jaorvergadering vaan de Tempeleers in de Meziekgieterij
(aonvaank 20.11 uur, deure ope 19.11 oor, entree gratis).

12-11
Mestreechs Vastelaovendsleedsjes Konkoer 2023, georganiseerd door de Samewèrkende Mestreechter Vastelaovendsvereineginge boe ’t vastelaovendsleedsje veur Mestreech 2023 weurt verkoze (aonvaank 20.11 uur, deure ope um 19.11 oor, entree 6 euro).
Dit jaor weurt ’t konkoer extra bezunder, umtot ouch ’t allerierste jäögleedsje zal weure geprizzenteerd en de Tempeleers bekind make welke wiekvereineging de Jäöghoeglöstegheid vaan Groet Mestreech geit lievere.

18-11
Fiesaovend ‘Leve in de Mommezij’. Decor is obbenuits de Meziekgieterij, entree kos 18,50 euro. Veural geriech op jongere en alle vierders ‘joonk vaan geis’. Aonvaank 20.11 oor, deure ope 19.33 oor. Meziek vaan DJ Marvin en optrejjes vaan Shakin’ DJ’s, Erwin, Frans Theunisz en John Tana.

19-11 in de middag
Vaanaof 12.44 oor ‘ne roondgaank door de Mestreechse binnestad boemèt uiteraard ‘n aontal ‘heilige huiskes’ weure aongedoon. De klaanke vaan Garderizzjemint de Kachelpiepers bepaole dee middag de rót.

19-11 in de aovend
Twiede fies oonder de naom ‘De Mommezij zjubileert’. Aonvaank 19.55 oor, ouch weer in de Meziekgieterij (deure ope vaanaof 18.11 oor) en entree is 18,50 euro. Mèt ‘n combinatie vaan ‘Aw Mestreechter vastelaovendsleedsjes’, meziek vaan DJ Robin Eygelshoven en optrejjes vaan 't Mestreechs Vastelaovends Orkes, Beppie Kraft, Erwin, Frans Theunisz en Ziesjoem!

Kaarte veur de fiesoavende zien te koup via https://www.tempeleers.nl/ms/bestelle-en-aonmelle/

Trök nao 't euverziech