Nuits

't Prinsebal - 't Ajdste en sjiekste gala vaan Mestreech!

20 jannewarie 2023 Logo Prinsebal De Tempeleers Mestreech Wit
In 't zjubileijaor vaan de Tempeleers geit 't Prinsebal op 4 fibberwarie trök nao 't MECC. 't Bal vaan toen in e nui jeske. Groets opgezat mèt 'n prachtege aonkleiing en e breid meziekprogram. Es vaanajds d'n aovend um diech te soignere en same mèt diene partner en/of vrun 'ne magnifieken aovend te beleve. Flanere in diene sjieksten outfit, e welske make of gans oet die daak goon; ’t kin allemaol. Same make v’r dao ’t groetste en sjiekste fies vaan ‘t jaor vaan! Mestreech op zie bès!
 
Zörg totste debij bis!

Wat steit op 't program?
In e groets opgezat decor make de aajd-Stadsprinse en Zienen Hoegen Hoeglöstegheid hunne zwajeuzen entree en treie op ’t Mestreechs Vastelaovends Orkes, dé coverband vaan Nederland 'Round About Now', Erwin en netuurlek DJ Marvin!

Kaarte?
Kaarte koste € 37,50 per stök en zien hei te koup!
(De dresscode is gala: hiere in smoking en dames 'sjiek naovenant'.)

Trök nao 't euverziech