Nuits

Same veur Sjariteit

22 september 2020 Coronavirus 1584278198

Mestreechter Vastelaovendvereineginge goon Same veur Sjariteit

Ummertouw dèkser vraoge Mestreechtenere en Vastelaovendsvierders ziech aof wat geit gebäöre mèt de Vastelaovend vaan 2021 in dizze corona-tied. De SMV (Samewèrkende Mestreechter Vastelaovendsvereineginge) en de Keemeleers buige ziech, in samespraok mèt Horeca Zuid-Limbörg en Centrum Management Mestreech, al weke euver dees vraog. Natuurlek ouch in aofstumming mèt de Gemeinte en de Veiligheidsregio.

Binne noe en e paar weke zal dit collectief mèt e concreet antwoord koume boebij -op basis vaan de bestaonde riechlijne- dudelek weurt wat wel en neet kint doorgoon.

Tot Vastelaovend es cultureel erfgood zal doorgoon, steit neet ter discussie. Me kint jummers ouch Keersemes of Paose neet ‘annulere’. De Vastelaovend vaan 2021 zal evels gans aanders zien. Hajt noe al rekening demèt tot väöl eveneminte neet zalle doorgoon of ’n aander invölling goon kriege. De naodrök kump ouch mie op sjariteit te ligke.

De riechlijne vaan ’t RIVM en de gezoondheid vaan ’n eder stoon veur us op de ierste plaots.

Veer hawwe uuch op de huugde. Haw pin!

 

De Vastelaovendsvereineginge vaan Mestreech.

CV De Tempeleers
VV De Keemeleers
CV De Beerbieters
CV De Braniemekers
CV De Drommedarissen
CV De Kribbebieters
CV De Mallebergers
KV De Mammoeters
CV De Mineurs
CV De Mosasaurussen
CV De Sjlaajbök
CV De Sjraveleirs
CV De Waterratte

Trök naor 't euverziech