Nuits

REVUE AON DE MAOS AOFGELAS

13 jannewarie 2022 24.02.2022 Logo Revue Aon De Maos2 22330Ba3
‘Mestreech, boe is de sjoenen tied nao touw’, d'n iersten editie vaan Revue aon de Maos geit neet door. De organiserende stiechting heet beslote de vastelaovendsrevue te annulere vaanwege de coronamaotregele.

Revue aon de Maos, 'n samenwerking tösse de stiechting Revue aon de Maos, de carnevalsvereineginge De Tempeleers en De Keemeleers en Theater aan het Vrijthof waore veurnummes op goonsdag en donderdag veur Vastelaovend 2022 'ne nuie carnevalsrevue op de buun te bringe.
Helaas goejt corona roet in het ete. Veurzitter Jean Boelen vaan 't stiechtingsbestuur: “Mèt pijn in 't hart höbbe veer dit mote beslete. Door de geldende coronamaotregele waor de veurbereiing op de revue al lesteg. Daoneve kinne veer meugelek neet alle bezeukers oontvaange in d'n theater. Dat is neet allein spieteg veur eus bezeukers, meh dat zal ouch 'n te groet financieel risico zien veur eus organisatie."

D'n iersten editie vaan Revue aon de Maos, dat de Mestreechter Brandslang es hoofsponsor kint, vint noe plaots op 6 en 7 fibberwarie 2023. Jean Boelen: “Hopelek kinne v'r Mestreech daan wel twie aovende vol vastelaovendsamusemint bringe. Veer zien veerdeg deveur, meh veur noe mote v'r begrip höbbe veur de maotregele. Gezoondheid bove alles.”

Bezeukers die e keertsje höbbe gekoch kriege e beriech vaan d'n Theater aan het Vrijthof, de kaarte weure in principe umgezat nao de nui daotums in 2023.
Trök nao 't euverziech