Nuits

Program Vastelaovend 2021: ‘Veer zien Vastelaovend’

17 jannewarie 2021 IMG 8978

Program Vastelaovend 2021: ‘Veer zien Vastelaovend’

In samewèrking mèt diverse partners, boe-oonder de SMV (Samewèrkende Mestreechter Vastelaovendsvereineginge) en de Keemeleers, höbbe v'r 'n reeks initiatieve oetgewèrk um in dizze lestegen tied op 'n sjieke en passende wijs uting te geve aon 't groetste cultuurgood vaan Mestreech: de Mestreechter Vastelaovend.

De initiatieve zien geriech op 't oetdrage vaan ’t Geveul vaan Vastelaovend, Cultuur & Educatie, Participatie en Sjariteit en vinde plaots vaanaof 17 jannewarie t/m Vastelaovendszoondag. Joonk en aajd kin op 'n verantwoorde/veilege wijs mèt dees initiatieve aon de geng; veur edereen zit wel get debij!

In 't kader vaan de sjariteit weurt middels de medaajes koumend sezoen bezunderen aondach gegeve aon de persoene die al jaorelaank 'n importante rol vervölle roontelum de Mestreechter Vastelaovend en dèks op d'n achtergroond operere, meh zien dao ouc speciaol initiatieve geriech op kinder, tieners, seniore, kraanke, (verstandelek) gehandicapte en gezinne die 't minder höbbe. Oftewel geine weurt vergete!

Wie spieteg 't ouch is tot v'r mèt z'n alle de Mestreechter Vastelaovend neet kinne invölle en vieren wie v'r dat geweend zien, gief 't us wel de gelegenheid um d'n aandere kant vaan de Vastelaovend te laote zien.

V'r zien devaan euvertuig tot de Vastelaovend in de Mestreechterneer zit en neet allein die drei daog. Daoveur de wèrktitel ‘Veer zien Vastelaovend’.

 

SOCIAL MEDIA

#veerzienvastelaovend | Facebook: tempeleersmestreech | Instagram: tempeleersmestreech

Plaotste get op social media m.b.t. de Vastelaovend 2021? Gebruuk daan d'n hashtag #veerzienvastelaovend. Volg dizzen hashtag en de accounts vaan de Tempeleers op Facebook en Instagram en de krijgs e volledeg beeld vaan alles wat ziech de koumende weke afspäölt in Mestreech.

 

LOERE

ZOONDAG 17 JANNEWARIE 2021 | 15.11 OOR | RTV MAASTRICHT

de Vastelaovend Drejt Door – Aon Taofel mèt de Tempeleers

Op d'n daag en 't tiedstip boe-op normaal de Stadsprins zou zien oetgerope prizzentere de Tempeleers 't alternatief program veur de Vastelaovend 2021.
e Leuk en informatief program mèt o.a. 'n trökblik op 2020 mèt aajd-Stadsprins Luc d’n II en de oonthölling vaan de nui medaajes.

RTV Maastricht is te bekieke via:
livestream / hun website / app (Android/iOS) / Ziggo kanaal 40 / KPN kanaal 1336 / T-Mobile. kanaal 731

De oetzending is hei trök te kieke.

 

VAANAOF 23 JANNEWARIE 2021 | WEBSITE & SOCIAL MEDIA DE TEMPELEERS

de Vlog-rijaloet mèt Aajd Stadsprinse

Elf aajd-Stadsprinse blikke in 'ne vlog trök op ‘hun’ jaor en vertèlle wies zie normaal de Vastelaovend viere.
Loer bij video's veur alle VLOG's!

 

VAANAOF 6 FIBBERWARIE 2021 | WEBSITE & SOCIAL MEDIA DE TEMPELEERS

de Vlog-rijaloet mèt de SMV

De leie vaan de SMV en de Keemeleers vertèlle d'ch in 'ne vlog mie euver de Vastelaovend in de wieke vaan Mestreech.
Wie viere ze dit normaal? Wat zien de bezunder tradities in hun wiek of vereineging? Wat doen ze in dit bezundere jaor? Wat zien hun planne veur 2022?
De zuus 't allemaol in dizze vlog-rijaloet.

 

VRIEDAG 29 t/m ZOONDAG 31 JANNEWARIE 2021 | 19.xx OOR | RTV MAASTRICHT

de Vastelaovend Drejt Door – Op zeuk nao de Mestreechter Geis (deil 1)

Jos van Herpen geit in twie aoflieveringe ‘Op zeuk nao de Mestreechter Geis’. Heiveur sprik h'r mèt ’t volk vaan Mestreech. Wat beteikent de Mestreechter Geis veur diech? Welk geveul höbste debij? Wienie kump 't bij d'ch op?
De oetzending löp vaan vriedagaovend (nao het 19h nuits) tot zoondagaovend mèt in de caroussel.

Hei trök te kieke

VRIEDAG 5 t/m ZOONDAG 7 FIBBERWARIE 2021 | 19.xx OOR | RTV MAASTRICHT

de Vastelaovend Drejt Door – Op zeuk nao de Mestreechter Geis (deil 2)

In deil 2 vervolg Jos zien zeuktoch en sprik heer mèt nog mie Mestreechtenere. Netuurlek kump heer aon 't in vaan dees aoflievering tot 'n conclusie en probeert heer de Mestreechter Geis anno 2021 oonder wäörd te bringe …
De oetzending löp vaan vriedagaovend (nao het 19h nuits) tot zoondagaovend mèt in de caroussel.

Hei trök te kieke

ZOONDAG 7 FIBBERWARIE 2021 | 10.00-12.00 OOR | RTV MAASTRICHT

de Vastelaovend Drejt Door – Vastelaovendsmès vaanoet de Sint Servaos

(Productie vaan Stiechting de Vief Köp m.m.v. de Tempeleers.)

De Sint Servaas Basiliek en Stiechting de Vief Köp verzörge same 'n speciaol Vastelaovendsmès. De drappeauzegening -'n nui traditie die twie jaor geleie is gebore- beperk ziech vaanwege 't virus tot 't veendel vaan de Tempeleers, dat symbool steit veur alle aander veendels. e Moment vaan bezinning veuraofgaond aon de Vastelaovend.

Oetzending gemis? De mès is hei trök te kieke!

 

ZOONDAG 14 FIBBERWARIE 2021 | 12.00-16.00 OOR | RTV MAASTRICHT

de Vastelaovend Drejt Door – Thoes insjete & TV de Boonte Störm

Op Vastelaovendszoondag, maondag en dinsdag zien dao gein activiteite in 't centrum. Op RTV Maastricht creëre v'r um 12.11 oor e momint zoe toste thoes of in d'n hoof 't kins mètbeleve. Mie informatie volg.
Aonsletend make v'r 'n aontal oor live TV. Dit jaor geine Boonte Störm in de straote vaan Mestreech, meh op TV!

 

Es get te loere is gewees, weurt in de daog daonao de link nao de oetzending hei debij gezat.

 

EIGENLEK UM TE LEZE …

VRIEDAG 5 FIBBERWARIE 2021 | GRATIS AOFHOLE BIJ O.A. DE PLUS, JUMBO, BAKKERIJ PAULISSEN

Vastelaovendsgezèt "D’n Tempeleer" inclusief "Good Gemöts"

In dit bezundere jaor weurt de dikste editie (40 pagina’s !) vaan de ‘d’n Tempeleer’ oetgegeve. Väöl kwatsj aongevöld mèt sjieke Vastelaovendsverhaole in d'n insert "Good Gemöts" en e rundje langs de wieke vaan Mestreech daankzij de inzendinge vaan de SMV en de Keemeleers.

 

 

LUUSTERE

SPOTIFY

Oet Lena’s Jukebox

Op Spotify höbbe v'r  'n playlist veur diech veerdeg gezat mèt Vastelaovendmeziek vaan Mestreechse boojem. De vints de lies oonder ‘Lena’s Jukebox’. Volg ‘m, want v'r blieve ze veur d'ch aonvölle. Lekker um thoes op d'n achtergroond aof te speule of hel in d'n oto … en mesjiens zelfs e bitsje mèt te zinge.

 

ZAOTERDAG 13 FIBBERWARIE 2021 | 20.00 | RTV MAASTRICHT

Vastelaovendsconzèr Philharmonie Zuidnederland

(Productie vaan Philharmonie Zuidnederland en Centrum Management Maastricht)

De Philharmonie Zuidnederland verzörg op invitatie vaan Centrum Management Maastricht toch e Vastelaovendsconzèr in de Muziekgieterij.
Uiteraard zoonder publiek. t Conzèr weurt op 13 fibberwarie um 20h op RTV-Maastricht en op 15 fibberwarie via Social Media oetgesjik.

 

VRIEDAG 12 FIBBERWARIE 2021 | 18.00-00.00 OOR | RTV MAASTRICHT Radio (VAaN 21.00-00.00 OOR OUCH OP TV)

De Groete Blief-in-d'n-Brak-Show

Kenneth Kruijntjens en Michel Moelands make op de vriedagaovend veur Vastelaovend zès oor laank live radio en vaan 21.00 tot 00.00 oor zelfs live TV mèt löstege mètzingers, Mestreechse artieste, leuke gaste en ludieke items. 'ne knallenden aovend vol mèt aw kloete en Mestreechse meziek um thoes in de stumming te koume.

RTV Maastricht radio is te beluustere via:
livestream / hun website / app (Android/iOS) / Kabel 87.5 / Ether 107.5 FM / Ziggo kanaal 915/1915 / KPN kanaal 1036 / T-Mobile. kanaal 2064

 

ZAOTERDAG 13 FIBBERWARIE 2021 | 12.00-13.00 OOR | RTV MAASTRICHT Radio

(Eigen productie RTV Maastricht en Joonk Veldeke (Veldeke Krink Mestreech))

De Mestreechter Vastelaovend Kinder Tóp 11

Joonk Veldeke maak veur d'n ierste kier De Mestreechter Vastelaovend Kinder Tóp 11.
Tijdens 'n oor dorende radio-oetzending -die ouch op de stream te volge is- weurt d'n tóp 11 geprizzenteerd. 

 

MAONDAG 15 FIBBERWARIE 2021 | 09.00-19.00 OOR | RTV MAASTRICHT Radio

De Groete Mestreechter VastelaovendsTóp 111

(Eigen productie RTV Maastricht)

RTV Maastricht maak veur d'n ierste kier De Groete Mestreechter VastelaovendsTóp 111.
Tijdens 'n tien oor dorende radio-oetzending -die ouch op d'n TV te volge is- weurt d'n tóp 111 geprizzenteerd. Versjèllende programmekers, DJ’s, artieste en gaste make hun opwachting. Stumme kin binnekort op dit formuleer.

 

VASTELAOVENDSZOONDAG, -MAONDAG EN DINSDAG | RTV MAASTRICHT Radio

Vastelaovendsmeziek

RTV Maastricht radio verzörg ouch dit jaor weer 3 daog non-stop echte Vastelaovendsmeziek vaan Mestreechse boojem in Radio De Boonte Störm.

 

MÈT DOEN

VRIJDAG 5 FIBBERWARIE 2021 | 19.11 OOR | LIVE-STREAM

de Groete Mestreechter Vastelaovendsquiz

Wat wètste vaan Vastelaovend? Väöl of bekans niks?
't Maak neet oet 😃. De kins zoewiezoe mèt doen aon euze Vastelaovendsquiz.

Dus zörg totste vriedag aonstaonde um 19.11 oor veerdeg zits mèt get lekkers in 't glaas en get te knawelle debij. En ammezeer d'ch 'n oor!
Aonmelle hoof neet en mèt doen is gans veur niks! Eve veur 19.11 oor goon v'r live via Facebook en huurste mie wieste de vraoge kins beantwoorde.
Trök te kieke op: https://fb.watch/3tl2ORWCRX/
Vraoge en antwoorde zien hei te vinde.

 

Demasqué Mestreech-app

Demasqué Maastricht is 'n app, roondleiing en beleving inein. Oontdèk de stad aon de hand vaan de app.
Allein of mèt dien bèste carnevalsvrun. De moos vraoge beantwoorde um zoe 't Vastelaovendshart vaan de stad te oontdèkke. Soms krijgste hölp vaan 'nen aajd-Stadsprins, soms mooste al zingend 't antwoord oontdèkke. Haolste de mieste punte en oontdèkste de traditie boe Mestreech zoe gruuts op is?

Veur mie informatie klik hei.

 

Veer zien Vastelaovend

't Motto veur de Vastelaovend 2021 ‘Veer zien Vastelaovend’ goon v'r veur touwkomstege doeleinde oetwèrke tot e beeldmerk in roed, geel en greun. De lètters goon v'r inkleure aon de hand vaan foto’s vaan Mestreechtenere in hun favoriet pekske.
Sjik diene foto in via info@tempeleers.nl.

Veur mie informatie loer hei.

 

Kinder Verseerwedstrijd

Veur kinderen t/m 12 jaor organisere v'r 'n Kinder Verseerwedstrijd. Gebruuk ein vaan de kleurplate of maak zelf 'n sjieke teikening/kunstwerkske en sjik 'n foto in um mèt te doen. Vermel diene naom, je leeftied en 't tèllefoonnómmer vaan ein vaan dien awwers/verzörgers.
Inlievere kint ouch bij Danssjaol Bernaards op de Breusselsestraot.
Oet alle inzendinge keze v'r 'n aontal winners die v'r bekind make tijdens TV de Boonte Störm op Vastelaovendszoondag.Insjikke veur 9 fibberwarie!

klik hier voor meer informatie

Bekijk hier de inzendingen

 

Thoes Verseerwedstrijd

In samewèrking mèt de SMV en de Keemeleers organisere v'r 'n Thoes Verseerwedstrijd. Verseer de väörroet, d'n hoof of mesjiens zelfs de straot.
Sjik de mies tot de verbeelding sprekende foto in en mesjiens kumpste terech in de top 22 boe-oet 'n aontal winner weure gekoze.
De top 22 weurt gepubliceerd op 12 fibberwarie en de winners tijdens TV de Boonte Störm op Vastelaovendszoondag. Insjikke veur 9 fibberwarie!

klik hier voor meer informatie

Bekijk hier de inzendingen

 

Mestreechs Vastelaovendspakkèt <OETVERKOCH>

V'r höbbe e leuk Vastelaovendspakkèt samegestèld dat veur € 22,- verkriegbaar is bij de deilnummende SMV-leie en de Keemeleers. 
't Pakkèt bevat get um te ete, te verzamele, te versere en te doen.
Mèt d'n aonkoup vaan e pakkèt steunste de betreffende vereniging en maakste 't meugelek tot 222 gezinne die 't financieel minder höbbe e pakkèt gratis kriege.

Veur mie informatie, loer bij bestèlle en aonmelle.

 

TV de Boonte Störm

De kins veur TV de Boonte Störm op Vastelaovendszoondag e leedje, veurdrach, denske of get aanders insjikke.
De deis dit door mèt diene tèllefoon en fèlmke op te numme (max. 1.11 minuut) en in te stjikke.
De leukste fèlmkes weure in de oetzending verwèrk.
Loer hei veur mie informatie.


Wèlt geer de Mestreechter Vastelaovend ouch steune?

de Steunpilere-plaquette veur € 66,66                       

De Steunpilere-plaquèt is de ajdste financieel actie vaan de Tempeleers. Veur € 66,66 köpste 'n prachtege plaquèt en steunste de Mestreechter Vastelaovend.
Leuk um te verzamele. 't Thema vaan de plaquèt is ’t Look in de Stadsmuur en oetgewèrk in e sjèlderij door Famke Rousseau.

Klik hei veur mie informatie en um te bestèlle.


Veiling vaan ‘t Steunpilere-
sjèlderij vaanaof € 222,22                     

't Sjèlderij vaan Famke Rousseau mèt es thema ’t Look weurt online geveild. De kins beeje vaanaof € 222,22.
In TV de Boonte Störm op Vastelaovendszoondag weurt bekind gemaak wee 't hoegste bod heet oetgebrach.
De veiling is geslote. 't Hoegste bod is €1670,-.
Bedaank veur 't beeje veur de Mestreechter Vastelaovend!

Klik hei veur mie informatie en um te bestèlle.

 

't Program veur de Vastelaovend 2021 is mede meugelek gemaak door:

de Sosjeteit veur Medaajes & Sjariteit, 't Elisabeth Strouven Fonds
de adverteerders in ‘d’n Tempeleer’, de Steunpilere, de Vastelaovendsvrundsjes,
en alle andere begunstigers van de Tempeleers!

Trök nao 't euverziech