Oetrope Vastelaovendsleedsje
19 juli 2022
Oproop aon alle tekssjrijvers vaan Mestreech
Wie vaanaajds zalle ouch noe weer de Samewèrkende Vastelaovendsvereineginge Mestreech garant stoon veur de organisatie vaan de oetverkezing vaan ’t vastelaovendsleedsje 2023.
Veer rope daan ouch alle sjrijvers op um de pen in de hand te numme um e nui leedjse te sjrieve. Daot geer mèt, daan moot geer zörge tot alles uterlek 7 september 24.00 oor is ingelieverd.
’t Insjriefformuleer en ’t rigglemint is te ‘downloade’ op: www.smv.nl
Finale op 12 november 2022
Zoewie väöl eveneminte is ouch ’t MKV aon veranderinge touw. Veranderinge die zien aongegeve op financiëel gebeed, meh ouch op aongeve vaan de sjrijvers, componiste, oetveurende artieste en neet te vergete de börgerij.
Daoneve wèlle veer ’t evenemint ouch e nui podium goon geve in de touwkoms.
’t MKV geit ’n prominente rol kriege bij de opening vaan ’t vijfde sezoen in Mestreech. ’t Evenemint weurt stap veur stap aongepas.
Op hooflijne goon veer de volgende aonpassinge noe al doorveure:
• Dao kump ‘ne vasten daotum vaan ’t evenemint in ’t weekend op of nao d’n 11de vaan d’n 11de es opening vaan ’t sezoen. Veur dit jaor is dat 12 november 2022 in de Muziekgieterij.
• De aongeslote Vastelavendsvereineginge vaan ’t SMV zalle mie herkinbaar zien door in vol ornaat ’t evenemint te bezeuke..
• Ouch de jurering numme veer oonder de loep, meh dao koume veer later op trök.
• ’t Oetbringe vaan ‘ne CD is neet mie vaan dizzen tied en is dus aon verandering touw.
• Oonderzeuk weurt wie veer ’t winnende leedsje besjikbaar goon stèlle aon ’t volk vaan Mestreech.
• De vakjury zal de origineel producties beoerdeile op teks en meziek in de maond september.
Wat nog neet veranderd is: de tekssjrijvers/ componiste kinne weer zelf ‘nen arties vraoge um hun leedsje te bringe en ’t insjriefgeld blijf nog € 11,00.
D’n entree en dus ’t stumbiljet um mèt te kinne stumme blijf veur es nog stoon op € 6,00.