Merci Tempeleer Théon Kennis
2 oktober 2023
Spieteggenóg mote v’r aofsjeid numme vaan Tempeleer Théon Kennis. Théon heet ’n accountancy-kentoer en heet door drökte, veural in de ierste paar maond vaan ’t jaor, mote beslete zie lidmaotsjap bij de Tempeleers op te zègke. Veer begriepe de aofweging die Théon heet mote make, meh vinde ’t daorum neet minder spieteg!
Théon is langeren tied euzen habsjaar gewees en heet gezörg tot eus financieel administratie gans op orde is en voldeit aon de eise vaan dizzen tied. Ouch heet heer in 't verleie es veurzitter vaan de financieel kemissie jaorelaank versjèllende acties en activiteite georganiseerd um geld op te hole, wie 't Sponsorgala (noe Soirée de la Charité). Dao zien veer häöm erg daankbaar veur. Veer bedaanke häöm, meh zeker ouch zien ‘hoesdouf’ Wilma, veur alles wat zie de lèste 15 jaor veur de Tempeleers en de Mestreechter Vastelaovend gedoon höbbe.