Nuits

In memoriam Guill Wijnands

15 juli 2020 Foto Guill Wijnands

In memoriam Guill Wijnands

Vol oongeluif höbbe v’r vendaog kinnes genome vaan ‘t beriech tot euze chauffeur vaan de prinsewagel Guill Wijnands gestorve is.
Veer wiste tot Guill dit gevech tege A.L.S. zouw goon verlere, meh tot heer zoe gaw al ’t eerdse leve heet mote verlaote, is nauweleks te bevatte.

V’r höbbe Guill liere kinne in ’t Vastelaovendssezoen 2014 – 2015 wie heer de Tempeleers es chauffeur vaan ’t böske veer weke laank nao alle oetheuk vaan Mestreech heet gebrach. ’t Jaor daonao stapde Guill euver vaan ’t böske nao de Prinsewagel en heet heer achtereinvolgens de Stadsprinse Jerome I, Rolam I, Armand I en Luc II es chauffeur vaan de Prinsewagel door Mestreech gerije.
Neet allein de genumde Stadsprinse, meh ouch de Oppers vaan deens en de Adjudante wiste tot bij Guill in d’n oto ’t motto “hure, zien en zwiege” heileg waor.

Mèt deep respek zalle veer us Guill blieve memorere en zien v’r häöm hiel väöl daank versjöldeg. Jummers veer weke laank raakde Guill geinen dröppel alcohol aon es heer mós rije.

Guill d’n tied tot v’r vaan diech höbbe mage genete, waor väöl tekort.

Bedaank veur alles wats diech veur de Tempeleers höbs beteikend.

Veer winse Käthy en de res vaan de femilie alle sterkde touw um ’t euverlije vaan Guill e pläötske te geve.

Trök naor 't euverziech