Guus van Eck maak Steunpilere-sjèlderij
30 oktober 2023
De Steunpilere-plaquèt is de ajdste financieel actie vaan de Tempeleers. ‘t Thema wisselt jaorleks en de plaquèt is daomèt veur väöl lui e sjiek verzamelitem.
Guus van Eck heet ‘t thema veur 2024: ‘t Hermenieke oetgewèrk in e prachteg sjèlderij. De plaquèt is te koup veur € 66,66. Bestèl h’r door ‘nen e-mail te sjikke nao fike@tempeleers.nl. Vermel heibij diene naom, volledege adresgegeves en tèllefoonnómmer.
De plaquèt weurt oetgereik op ‘ne gezèllege middag op zoondag 28 jannewarie 2024. Heiveur krijgste op tied ‘n invitatie.
't Sjèlderij is te koup, via 'n veiling. De veiling start op 15 december. Haw eus website in de gate veur mie informatie. D’n opbrings vaan de Steunpilere-plaquèt en 't sjèlderij kump volledeg ten gunste vaan de Mestreechter Vastelaovend.