Bestèlle & aonmelle

Leve in de Mommezij!

Image

Wie d’n titel al aongief symboliseert dezen aovend ’t ‘Leve in de Mommezij’, de periood tot Zienen Hoegen Hoeglöstegheid regeert euver eus stad. Neet veur niks is de dresscode veur dit fies daan ouch ‘verkleid’ of op zien mins ‘roed-geel-greun’.
Deeginnege of dee gròp mèt de sjiekste en/of origineelste kleiaasj zal deen aovend ouch nog ins weure benump tot Mommezijnar(re) vaan ’t zjubelei fiesweekend.

’t Vastelaovendsgeveul weurt nog ins extra versterk doordat ‘n aontal Momuskannoneers (in ’t verleie oetgerope vastelaovendsvierders vaan ’t jaor) roondloupe mèt hunne typerende en herkinbare vastelaovendsact. Daoneve vörme zie de jury veur de benumming vaan de Mommezijnar(re).

Vaanaof 17.11 oor zien bezeukers welkom in de foyer vaan de Meziekgieterij (Boschstraat 5, 6211 AS Maastricht) boe zie weure getrakteerd op de prachtege klaanke vaan e Mestreechs zate hemenieke. De groete zaol geit ope um 19.11 oor en beujt podium aon ’n aontal sjieke artieste:
DJ Marvin, Shakin’ DJ’s, Erwin, Frans Theunisz en John Tana.

Koup hei eur kaarte veur Leve in de Mommezij!

‘t Aontal besjikbaar kaarte is 1000 stöks en koste €18.50 per stök.
’t Evenemint weurt georganiseerd oonder veurbehajd vaan eventueel gellende corona veilegheidmaotregele.


VRAOGE?
Sjik ‘nen e-mail nao info@tempeleers.nl.