Veur de kinder t/m 12 jaor organisere de Tempeleers ouch dit jaor weer ‘ne “Kinder Teikenwedstrijd” . Geer kint heiveur ein vaan de kleurplate die geer op dees pagina kint downloade gebruke, of maak zelf ’n sjoen teikening of kunswerk en maak kans op ein vaan de leuke prijze.
Wie kint geer mètdoen?
Maak vaan de teikening, kleurplaat of kunswerk ‘ne foto en sjik dee uterlek 22 fibberwarie 2025 per e-mail nao teikenwedstrijd@tempeleers.nl.
Zèt in d’n e-mail wel eure naom, leeftied en tèllefoonnómmer vaan ein vaan de awwers/verzörgers.
SVP Allein de teikening, kleurplaat of kunswerk fotografere. Gein kinder op de foto zètte!!!
Wie wèrk de wedstrijd?
De ingesjikde foto’s weurde in ‘ne fotoalbum op www.tempeleers.nl geplaots. Zoe kin ederein alle teikeninge, kleurplate en kunswerke kin bewoondere.
Oet alle insikkers kees de Jäögprins, – prinses of -prinsepaar ‘nen top drei. De prieswinners kriege hei euver beriech. De prijze weure in de week veur carneval oetgereik.
Bezunderhede:
’t Formaat vaan de teikening of kleurplaat maag maximaol A4-formaat (29,7 x 21 cm) zien.
Zien dao vraoge?
Sjik daan ‘nen e-mail nao teikenwedstrijd@tempeleers.nl ter attentie vaan Tempeleer Huub Stevens.