De Steunpilere-plaquèt is de ajdste financieel aktie vaan de Tempeleers. ‘t Thema wisselt jaorleks en de plaquèt is daomèt veur väöl lui e sjiek verzamelitem.
Guy Olivier heet ‘t thema veur 2025: ‘de Vastelaovendssnuutskes’ oetgewèrk in e prachteg sjèlderij.
De plaquèt is te koup veur € 66,66. Dao zien ‘rs nog mer e paar! Bestèl h’r door ‘nen e-mail te sjikke nao fike@tempeleers.nl. Vermel heibij eure naom, volledege adresgegeves en tèllefoonnómmer. De plaquèt weurt oetgereik op ‘ne gezèllege middag op zoondag 23 fibberwarie 2025. Heiveur krijg g’r op tied ‘n invitatie.
’t Sjèlderij weurt geveild. De kins beeje vaanaof € 777,- door via de knop oonderaon dees pagina naor t formuleer te goon. De maags zoe dèks beeje es geer wèlt.
De veiling slut op goonsdag 19 fibberwarie 2025. Zaoterdag de 22e weurt bekind gemaak wee ’t hoegste bod heet oetgebrach. ’t Sjèlderij weurt oetgereik op de Steunpilere-middag.
D’n opbrings vaan de Steunpilere-plaquèt en ‘t sjèlderij kump volledeg ten gunste vaan de Mestreechter Vastelaovend.
Hiel väöl daank veur eur intresse en bijdrage!