Startlocatie: Blanche Dael, Aon de Brikkebouw 10, Mestreech (Sphinx-terrein) – 11:11 oor
Op dinsdag 11 fibberwarie 2025 goon v’r weer mèt zoe’n 150 oondernummers en hun relaties op paad in ‘t centrum vaan Mestreech en Wieck veur de Rijaloetlunch.
V’r starte um 11.11 oor mèt koffie en vlaoj bij Blanche Dael, boe v’r ouch roond 11.33 oor Zienen Hoegen Hoeglöstegheid welkom heite. Vervolges goon v’r in gruupkes vaan oongeveer 20 persoene oonder begeleiing vaan ‘nen Tempeleer op weeg nao twie versjèllende horecagelegenhede veur e veur- en hoofgerech.
V’r indege de middag mèt e dessert en aofsletende borrel op ‘n verrassende indlokatie. ‘ne gezèllege, oongedwonge middag um collega-oondernummers te treffe.
De opbrings vaan de Rijaloetlunch kump volledeg ten deens vaan de Mestreechter Vastelaovend.
KOSTE
€ 99,- per persoen/exclusief BTW.
INBEGREPE
Oontvangs mèt koffie en vlaoj, veur- en hoofgerech op twie versjèllende lokaties, dessert en aofsletende borrel op de indlokatie, allen draank (wien, beer en fris) door d’n daag.
MIE INFORMATIE
Veur mie informatie of ‘t kinbaar make vaan eur interesse kint g’r kontak opnumme mèt:
Tempeleer Bermon Pooters
06-54658897 / b.pooters@tempeleers.nl