D’n drekmaan
Sjeng Kraft
Refrein:
D’n drekmaan dee geit stake
Tot heer geinen hölpmotor aon zie keerke heet
D’n drekmaan dee geit stake
Zoonder motor is zie keerke neet compleet
Noe wèt z’ch de gemeinte geine raod
‘n Drekwei weurt noe zeker eder straot
D’n drekmaan dee geit stake
Zoonder motor is ze keerke neet compleet
Couplèt:
Dao is get gaonde in Mestreech,
Dao is get aon de hand
En es dat neet weurt opgelos
Daan weurt ‘t eine ramp,
De dreklui zien neet mie content
Zie höbbe ei bezwoer
Proteste zien al ingedeend
Noe zingk Mestreech in koer