Straotcarneval
P.Leenders/Harry Hetzels
Refrein:
Mestreech, Mestreech, stad zoe sjoen aon de Maos
Es de boonte störm raos
Mestreech, Mestreech,
Boe iech euveral waor
Toch verlangde iech steeds nao
Mestreech, Mestreech,
Wat iech noets vergete zal
Ouch al weur iech hoonderd jaor,
is diene straotcarneval
Couplèt:
Wie in eus aajd Mestreech de Vastelaovend weurt gevierd
Dat vinste nörges
Wie dat diech door dien moojer en d’ne vaajer woort gelierd
Zeuk dat mer örges
Mestreechtenere zit de Vastelaovend in ‘t blood
Vaan s’aoves tot ’s mörges
’t Zinge en ‘t springe deit ‘m zeenderouge good
Heer vergit zien zörg ins