Laot mer goon
Pierre Lemaire
Refrein:
Laot mer goon, laot mer goon!
Want te stèl is niks gedoon
’t Is nog altied weer, de Mestreechteneer
Dee moot leve vaan plezeer!
Zing ’t oet! Zing ’t oet!
Gaot mèt struipe noe mer droet
Want nao drei daog is ’t toch gedoon
Laot mer goon, laot mer goon!
Couplèt 1:
De maskes op, de pekskes aon,
noe drei daog weer op stap
De zörg vaan ’t ganse jaor
zien aon eus sjeun gelap
De zaank is neet vaan de loch,
’t klink euver de Maos
Mestreech is in z’n illemint,
de Boonte Störm raos
Couplèt 2:
En noet mèt zaank en sjaterlach
de straote weer gevöld
En eine dee uuch tegekump
ins effekes geköld
’t Vriethof op, de Merret op
de Staat door, euveral
Moot klinke noe ’t leed vaan us
’t Leed vaan carneval