Euze Geis:

E bitteke vaan dit, ‘ne snouf vaan dat
E bitteke herses, get miejer hart
Get bravour en väöl esprit
Rech door zie, gein parodie
Dee ’t leve wèt te leve
Wèt te numme en te geve
Wèt in dee bemeten tied get devaan te make
De zjuste snaor good wèt te rake
Dee neet wèt op te fokke
Meh ouch neet mèt ziech liet sókke
Dee pas bij eus zuderlek gemood
Veur eus kinder, e dierbaar erfgood
Dee kin relativere
E fuitsje wèt te acceptere
Laot us dat zjuwiel bewaore
Vaan vreeme invlood bespaore
Laot diech neet door aandere sture
En laot diech in de raod get dekser hure

Treechter Geis.
Door Jan Janssen ceremoniemeester van De Tempeleers