Armand I Stadsprins vaan Groet Mestreech

Armand I

Euze Stadsprins, in ’t börgerlek leve Armand Peereboom- 36 jaor joonk – woent mèt z’n leeftallege Prinses Kim aon 't Wiemesmeerplein in Mestreech. Same höbbe ze eine zoon; Funs vaan bekans 4 jaor.

In ’t daogeleks leve is d’n Hoeglöstigheid regiomanager bij Plieger.Zien jäög brach heer door in Daalhof en via Caberg kaom heer oet op de Haozedans. Heer zaot op de apekeutelesjaol vaan Fons Olterdissen. De basisbeginsele vaan leze,sjrieve en rekene lierde heer op de Kennedysjaol. Daonao ging heer ziech vai ’t Trichtercollege bekwaome in de International Business and Languages. aon de HEAO in Sittard.

Euze hoeglöstegheid is ‘nen echte Mestreechteneer dee ziech op sociaol maotsjappelek vlak erg verdeenstelek maak es lid bij de Veldeke Krink Mestreech, boe heer ziech inzèt veur oonder mie ’t Groet Mestreechs Dictee. Daoneve is heer ein vaan de kaartrekkers vaan de (vaanaof vendaog) ‘prinseleke’ en zjubilerende Toreduifkes vaan Daalhof.  Ouch  is euze Stadsprins ‘ne zier verdeenstelek börgermètwerker bij Stadsvastelaovendsvereiniging De Tempeleers, boe heer actief is binne zoewel de pr-kemissie es in de financieel kemissie en beujt heer oondersteuning aon de kretserij.

terug naar nieuws overzicht