Tempeleer Wim Fischer euverleije

Wim 140x210

Vemiddag bereikde us ’t tristege beriech tot euze vrund en Tempeleer WIM FISCHER nao ’n slopende krengde op 75 jaorege leeftied is gestorve.

In 1977 regeerde heer oonder de titulatuur Kostumandus Aquanauticus Autoquarius es WIM I es Stadsprins euver ’t Vastelaovendsriek vaan groet Mestreech. Aonsletend aon zie Prinssjap woort Wim Tempeleer en waor heer binne de vereineging gekind oonder de naom ’t Tailleurke. Vaan 1986 tot 1992 waor Wim veurzitter vaan de kemissie Publieke Relaties en maakde daomèt deil oet vaan ’t bestuur vaan de vereineging. In 1992 woort heer Prizzedent-Tempeleer en vervölde die functie tot 2003.

Vaan 2003 tot 2012 maakde Wim deil oet vaan de Kanselarijraod. Op basis vaan deen indrökwekkende staot vaan deens veur de Vastelaovend in Mestreech in ’t algemein en de Tempeleersvereineging in ’t bezunder zien v’r Wim hiel väöl daank versjöldeg. V’r winse Hanneke en de kinder alle sterkde touw um dit verluus e pläötske te geve.  Wim adie!!

terug naar nieuws overzicht