Mestreech karnevalshoofstad 2018

Gemeinte Mestreech, Centrum Management Maastricht, binnestadoondernummers en stadsvastelaovendsvereineging De Tempeleers sloon de han inein um Mestreech op de kaart te zètte es karnevalshoofstad 2018. Symbolisch plaots börgemeisterse Annemarie Penn op donderdag 11 jannewarie um 17.00 oor, hierveur de ierste, nui oontworpe, karnevalsveendel op de Merret in Mestreech (oontvangs veur ‘t stadhoes, daonao weurt ’n locatie gevoonde in de naoventrint vaan ‘t stadhoes). Börgemeisterse Penn: “Carnaval zit in het DNA van Maastricht; Het is cultureel erfgoed van grote waarde. Carnaval biedt mogelijkheden om verbinding te leggen tussen traditie en nieuwe initiatieven.”

 

Kanse veur Mestreech
Mestreech heet al e positief Karnevalsimago, meh volgens de gemeinte, ‘t Centrum Management Maastricht en De Tempeleers maag dat nog mie in ‘t straotbeeld trök te vinde zien. “Alleriers wèlle v’r door ‘t ophaange vaan 500 nui oontworpe vlagge deveur zörge tot de stad weer karneval aosemp in aonloup nao euzen oonvervalste Mestreechter Vastelaovend. Ederein in Nederland, de Euregio, Belsj en Duitsland is bekind mèt ‘t fenomeen karneval, dao mage en mote v’r gruuts op zien, Mestreech is DE karnevalshoofstad”, aldus Odin Wijnhoven, Oetbelder Tempeleers.

 

Nui leve ‘Kiekoet wedstrijd”
Neve de ziechbaarheid mèt vastelaovendsveendels is ouch de ‘Kiekoet wedstrijd’ (etalagewedstrijd) veur oondernummers weer trök op de Mestreechter karnevalsagenda. Oondernummers kinne door hunne kiekoet in karnevalssfeer aon te kleie ziechzelf op de kaart zètte en leuke prijze winnen. “ ‘t Is sjiek um te zien tot väöl oondernummers, boe-oonder ouch de groetwinkelbedrijve, höbbe touwgezag mèt te doen. ‘t Kin in d’n touwkoms ‘n impuls geve aon de retailsector en aon ‘t verbliefstoerisme in dees periood. Eus doelstèlling is um mèt sfeer en beleving same mèt partners ‘t karnevalsseizoen in ‘t centrum vaan Mestreech wijer oet te bouwe en ‘n wandelrót te creëre”, aldus Paul ten Haaf vaan Centrum Management Maastricht. “In de veurlèste week veur karneval weurt de winner bekind gemaak. Um good en intijds te kinne zjurere mot de kiekoet twie weke heiveur veerdeg zien”.

 

Veer weke laank karnevalsactiviteite en sfeer in ‘t centrum
Mèt de Tempeleers en de gemeinte Mestreech is gesproke euver de periood vaan ’t benkelek momint’, ‘t oetrope vaan zienen Hoegen Hoeglöstegheid, en de Vastelaovend. Gedurende veer weke blieve de karnevalsveendels in ‘t straotbeeld haange. De veendels zien geproduceerd via MH-Roadstyling en opgehaange door Avontuur.

Ouch geit ‘n aontal Zate Hermeniekes, in ‘t kader van ‘Cultuur op Zoondag’ optrejjes verzörge in de binnestad. Wijer weurt ‘t Slevrouweplein aongekleid mèt sfeerverliechting.

terug naar nieuws overzicht