Naom, logo , plaquèt en möts geregistreerd (beeld)merk

mots teaser

Stadskarnevalsvereineging De Tempeleers heet häöre naom, logo, plaquèt en steek (möts) laote registrere es (beeld)merk. Dit heet de vereineging gedoon, naotot dao regelmaoteg misbruuk is geconstateerd.
 
Grens trèkke
Voorzitter Henk de Jong: “ ‘t Registrere vaan d’n Tempeleerssteek, naom en logo liekend ‘n hiel zwoer middel, meh veer achte dat noedzakelek um misbruuk te veurkoume. Netuurlek is ‘n parodie op de Tempeleers gaar neet erg en dat maag astrein absoluut nog ummertouw. Boe veer echter de grens trèkke is es de boetewereld ‘t versjèl neet mie zuut tösse de Tempeleers en vereineginge die ziech es zoedaoneg veurdoen. De lèste jaore zien v’r dèkser gezèlsjappe mèt ‘n verwèrking vaan euze naom en exacte replica’s vaan eus plaquètte en steke, dat wèlle v’r gewoen neet mie”.  

Commercieel derving
Ouch ’t logo is es beeldmerk geregistreerd. “Dat höbbe v’r gedoon um commercieel misbruik te veurkoume. V’r zaoge tot partije produkte mèt eus logo verkoupe, zoonder tot veer hei veur touwstumming höbbe gegeve of überhaupt in kinnis zien gestèld. Laot stoon tot veer hei ’n vergeujing veur höbbe gekrege. Laote v’r dudelek zien; ‘t organisere vaan de diverse aktiviteite in Mestreech kos us väöl cent, die door sponsors en mèt kaartverkoup betaold weure. V’r oontvaange es vereineging gein subsidie. Es aandere daan cent verdene door produkte mèt eus logo of euze naom te verkoupe, daan veult dat neet good”, aldus de prizzedent Tempeleer.  

Veurkoume tot gooje naom misbruuk weurt
De Tempeleers hope hei mèt tot lui of partije die op ein of aander meneer gebruuk make vaan utinge vaan de karnevalsclub d’n dialoog wèlle aongoon. “Allein op dees wijs höbbe v’r ziech op wat gebäört mèt euze naom, kinne v’r aofspraoke make en kinne v’r veurkoume tot euze naom, die al sinds 1945 e begrip in is Mestreech, oonweerdeg gebruuk weurt”, zeet De Jong.

terug naar nieuws overzicht