Start kaartverkoup “Kaffee de Zeuten Inval”.

De Tempeleers zien volop bezeg mèt de veurbereiinge vaan ‘t koumende carnavalssezoen. Ein vaan de hoegtepunte is eder jaor “Kaffee de Zeuten Inval”. Dit jaor höbbe veer twie zittinge. De zitting vaan de vriedagaovond is helaas dit jaor koume te vervalle.

Deze bezundere “Kaffee” opent twie kier häör deure in de Maastricht Music Hall oftewel de Platte Zaol: Op vriedagmiddag 19 jannewarie en zaoterdagaovend 20 jannewarie 2018.  

De kaarte veur de vriedagmiddagzitting op 19 jannewarie 2018 zien te kriege via Marion de Bont 06-10751792, Henk de Jong 06-52016400 en heij.

De kaarte veur zaoterdagaovend 20 jannewarie zien te heij te kriege én bij ein vaan oonderstaonde verkouppunte. Bestèlt geer eur entreekaarte via internet (www.tempeleers.nl), daan zien de kaarte einen euro deurder.

De kaartverkoup is gestart op 11 november 2017. ‘t Thema is: “De rinnovatie vaan Kaffee de Zeuten Inval” Nao 16 jaor weurt ‘t tied um de kaffee mèt ‘n klein verbouwing weer ’n gans  sjieke facelift te geve. De werklui zien bestèld en zalle medein nao de jaorwisseling de kaffee ‘ns flink oonder han numme. Mie informatie euver de Zeuten Inval?? Bekiek de website en veural ouch facebook vaan De Tempeleers um al in de stumming te koume vaan “Kaffee De Zeuten Inval”.  

Kaarte veur de zaoterdagavend zien traditioneel vaanaof 11 november à € 15,00 te kriege bij:
* Sigaremaggezijn Wum Otten Stationsstraot
* Mannemode Sleebe Wyckerbrögkstraot
* De Kiekoet Hegkestraot
* Maison Louis Stokstraot
* Rederij Stiphout Kesselskade
* Gemaakswinkel Kalimero Brusselse Poort 

terug naar nieuws overzicht