Nuie Tempeleer Iwan Bruijnzeels

Iech bin 45 jaor, getrouwd mèt Mascha en pap vaan Jean-Maurice, Cédric en Aimée. Wijer höbbe v’r poes Plumeau (e Mainecoon-vruike), de knien Foxy en e paar vèsse.Iech bin -same mèt 2 aandere- eigeneer vaan Spartacus-AIM en daobij wèrkzaam es consultant in de IT. Mestreech en Vastelaovend zit miech al vaan keends aof aon in mie blood: Iech bin sikkertaris vaan Veldeke Krink Mestreech en prizzentator/DJ vaan ’t radioprogram Kaffee “Eus Mestreech” bij RTV-Mestreech. Daoneve bin iech dreger vaan Slevrouw bij ‘t dregersgilde “Sterre der Zee”, zit iech de wèrkgróp “Op weg naar de Heiligdomsvaart 2018” en in de ouderraad vaan de Nutssjaol. Mien hobby’s zien vekantie, computere, meziek drejje en sport loere (wielrenne, formule 1 en MVV-ke). Iech huur al ruim 6 jaor bij de Tempeleersfemilie es börgermètwèrker in de PR-kemissie en wèrk dao aon ’t jaorverslaag, de social media, fèlmkes en losse projecte. Dat zal ouch mien taak es Tempeleer blieve en wee wèt wat nog mie…

terug naar nieuws overzicht