Insjriefaovende optochte

’t Vijfde sezoen is begós en de carnevalskriebels koume weer heerlek bove drieve. In 2018 vèlt carneval op 11,12 en 13 fibberwarie. Netuurlek zien väöl carnevaliste en gróppe al gestart mèt de veurbereiinge. Op zoondag 11 fibberwarie is de Groeten Optoch en op maondag 12 fibberwari is de Femilie-Optoch, mèt wagele, zate hermeniekes en gróppe .

Insjrieve veur die optochte is weer meugelek. En dit kier weurt ’t de deilnummers ouch gemekeleker gemaak. Netuurlek zien d’r de insjriefaovende. Die zien op dinsdag 9, 16 en 23 jannewarie  vaan 19.00 tot 20.00 in de Groete Sociëteit. . Meh insjrieve kint ouch digitaol, dit formuleer volg nog.

Evels wagele mote tijdens de insjriefaovende weure opgegeve. Ouch al höb geer geine wagel, geer zeet netuurlek vaan harte welkom op de insjriefaovende. Wèlt geer advies, kinnesmake mèt aander gróppe, höb geer ideeje of wèlt geer gewoen eve get inspiratie opdoen, kom langs.De Optochkemissie vraog de insjrievers good veurbereid te koume en ideeje op pepier oet te wèrke um zoedoende snel tot zake te kinne koume.

terug naar nieuws overzicht