Carnevalszoondag 3 miert 2019

  • Boe:   Wiek & Mestreech
    Wienie:   Zoondag 03 maart 2019 13:33 oor
    iech kom
RGGL

PRINSELEKE VEENDEL
Um 10.33 oor weurt aon de woening van de Hoeglöstegheid de Prinseleke Veendel oetgehaange en um 12.11 oor zalle de 11 sjeut vaan ’t Monuskanon wie vaanajds euver de Vriethof knalle, es teike tot de Vastelaovend is begós. Vaanaof St.Pieter is daan al volges 'n aw traditie 't Mooswief in cortège oonderweeg nao de Vriethof mèt muzikale begelejing vaan de hermenie St. Pieter. Op 't Vriethof zal ’t Mooswief umhoeg getakeld weure door de Stadsprins en vaanaof die plek ’n uigske hawwe op ’ne propele Vastelaovend.    

GROETEN OPTOCH  
’t Opstèlle vaan de gróppe die mètgoon in de Groeten Optoch zal dit jaor plaotsvinde in de Lieg Barakke en Stationsstraot. De groete wagele stèlle ziech op vaanaof de Hoegbrökstraot-Liege Barakke, de kare vaanaof de St. Maartenslaon-Liege Barakke en de hermeniekes en loupgróppe op 't pleinsje bij de Poshoorn. De vertrèktied is um 13.33 oor perceis. Veuraofgegaange door Garderizzjemint De Kachelpiepers en de Prinsewagel vaan Ziene Hoege Hoeglöstigheid trèk ’n oetermaote gemêleerd gezèlsjap via de Wieker Brögkstraot, Aw Brögk, Kesselskade, Hoonderstraot, Merret, Groete Grach, Helmstraot en Vriethof nao ’t indpunt op ’t Keizer Karelplein. Veur ’t Theater aon ’t Vriethof zal Zienen Hoegen Hoeglöstegheid  ’t défilé aofnumme.  

Ouch dit jaor höbbe z’ch bij De Tempeleers weer väöl origineel kleurrieke gróppe en einzelgängers ingesjeve veur deilnaome en dees veuraof aongemelde vörme mer e klein deil vaan ’t totaol aon deilnummers dat spontaon de veur Mestreech kinmerkende Boonte Störm veur ’t vootleech bringk.  
De Tempeleers gokke weer drop,zeker noe de organisatie gèt strakker is: véúr d’n duuster binne!  

CRAMIGNON
Maondagaovend en dinsdagaovend Um 20.30 oor start 'n cramignon bij ’t standbeeld vaan Minckeleers op de Merret, gevolg door 'n toch langs versjeie heilegehuiskes.  

iech kom terug naar evenement overzicht