Groet Kinderfies 2019

Zoondag 24 fibberwarie 2019 is ’t Groet Kinderfies.

Same genete in aonloup nao de Vastelaovend! ’t Groet Kinderfies is de karnevalstraditie vaan de Tempeleers veur alle kinder oet de regio Mestreech. Deze gezèllege kindermiddag is ‘t fies veur de jongste generatie, want wee de jäög heet, heet de touwkoms! 

Op de bühn zalle bezunder optrejjes weure verzörg door klein en groeter artieste. Vanzelfsprekend zal Zienen Hoegen Hoeglöstegheid,de Stadsprins vaan Groet Maastricht, zien opwachting make en heer zal -mèt zien Tempeleers- bij dees gelegenheid alle kinder decorere mèt ‘t speciaol Kinderknuipke vaan 2019.

De kaarte zien te kriege bij d’n ingaank vaan de zaol. ‘t Kinderfies geneet al jaore ‘n groete belangstèlling vaan kinder en hun awwers. Komp daorum op tied veurtot de kaarte zien oetverkoch!

Zaol ope: 12.45 oor
Ind: 17.00 oor

iech kom terug naar evenement overzicht