De Tempeleers hawwe op zaoterdag 4 fibberwarie 2012 hun traditioneel Bal veur Zienen Hoegen Hoeglöstigheid.
Nao de succesvollen trökkier vaan dit bal nao ’t hart vaan Mestreech en gesterk door de zier positief reacties weurt ‘t bal ouch dit jaor weer in ’t Crowne Plaza Hotèl Mestreech gehawwe. Dat hotèl is umgetouverd tot e sjitterend decor veur dit uniek Galabal. Op versjeie locaties weurt veur top-entertainment gezörg. De oonderverdeping en de ganse begaone groond vaan ’t hotèl stoon volledeg ter besjikking veur dit uniek festijn.
Vaanaof 19.30 oor oontvaange De Tempeleers hun gaste mèt e fiestelek drenkske in de foyer vaan ’t hotèl. Um 20.33 oor maak Zienen Hoegen Hoeglöstigheid de Prins vaan Groet-Mestreech ziene zwajjeuzen entree, boenao heer, nao e kort protocol, ’t bal opent.
Dit bal is veur de Stadsprins ’n huugdepunt in zie Prinssjap en veur de aonwezege gaste ’nen aovend um mèt väöl plezier nao oet te kieke.
Kaarte, à 35 euro per stök, zien veur ederein te koup op de bekinde verkoupadresse en via 't formuleer.
* Mannemode Sleebe, Wieker Brögkstraot 7
* Maison Louis, Stokstraot 41-45
* Gemaakswinkel Kalimero, Breuselsepoort 26
of info via
Tempeleer Willie Verweij 06- 10447135 of Tempeleer Willem Kroon 06-53155572
Gezeen ’t karakter vaan dizzen aovend is ’t verpliech kleiingveursjrift veur de hiere: rokkestuum of smoking en veur de dames: laank of cocktail.