Vastelaovendsvierder 2005

De Cascadeurs

De Cascadeurs 2005
Oonder  e daverend applaus en mèt väöl enthousiasme zien op de openbaar jaorvergadering vaan De Tempeleers , in de Bonbonnière, de mèt naome oet de groeten optoch bekinde Cascadeurs vaan Mestreech beneump tot Vastelaovendsvierders 2005 vaan Mestreech.
Sins 1969 ammezere de gebreurs Piet en John ( Pieke en Sjonnie) Hamers geboorteg in Amie later aongevöld mèt e zwaoger en in twiede instantie  opgevolg door hunne neef Edu (Duke) de Leeuw de lui die langs de optoch stoon mèt hun kunste es Cacadeurs vaan Mestreech.
Zelfs es ein vaan de hiere wie ‘ne kröppele de bij leep of mèt ’n kroukaar vervoerd moos weurde daan deech de jägermeister vaanaof de start bij Brands Beerhoes woondere.
Later op d’n aovend in d’n duuster beginne de uuters “sportief” gekleide hiere ( maillot  en oonderlijfke ) pas de kaw te veule.
Welliech minder in ’t oug vallend meh zeker neet minder spectaculair is hunne act dee vas op vastelaovendmaondag weurt geprizzenteerd: De gebreurs Des Kloeterie. Eder jaor obbenuits weurt ’n aander professie oetgebeeld mèt väöl humor.
Sprekende veurbeelde zien de striekplaank vaan èlf meter, de zwumlesse mèt diploma en ’t in-hoes-diezaajn.
Ouch al prizzentere zie hun acts al mie es 35 jaor en weurde de kneuk get minder soepel, Mestreech zal veurluipeg nog neet vaan de Cascadeurs vaan Mestreech aofzien. Hup, hup, hup,zwei,drei,vier…….