Vastelaovendsvierder 2006

Peter Caris en Tim Niël

Peter Caris 2006
Peter Caris en Tim Niël “Vastelaovendvierder 2006”

Komp g’r wel eens “In den Ouden Vogelstruys”?
Ouch mèt carnaval? Oet ervaring wèt geer tot g’r neet d’n einege zeet.
Sterker nog, mèt de “Vastelaovend” is ‘t bekans ‘n kuns mèt groete K um de kaffee in te koume. Jaomer, dinke de mieste . Of missjiens zelfs: vervelend.
Evels, veur Peter Caris en Tim Niël waors dit dringe  en duie de basis veur hun carnavalscreatie boemèt  zie sins 1999 plezeer höbbe. Nao twie jaor intensief lasse, sleutele, tummere en sjèldere, prizzenteerde zie toen hunne eige kaffee: “In den Jongen Vogelstruys”. Mobiel nog wel, ’n kaar boe de hiere mèt door de stad trèkke. En kaffeeke speule. ‘t Centrum vaan Mestreech is hun “wèrkterrein”.
Meh hun favoriete standplaots is op ‘t Vriethof, zjus, veur de “Struys”.
D’n hospes vaan de “Struys”, d’n  echte, is zelfs ‘ne kier goon checke of d’r gein beer oonder de pries woort verkoch. Meh verkoupe doen dees “kasteleins”neet. Zelf vinde ze tot ze miejer doen aan werke vaan barmhartegheid: “Wij laven de dorstigen. Zaoleg toch”.
Moch geer mèt Carnaval wèlle aofspreke bij de “Struys”, daan moot g’r  wel aongeve welke, aanders zou ‘t gewinsde rizzeltaot wel ‘ns kinne oetblieve.
Tijdes de jaorvergadering vaan De Tempeleers woorte Peter en Tim geprizzenteerd en gehuldeg es “Vastelaovendsvierders 2006”