1957 - 1967

Leedsjes

ZH 08

1967 Tralalalalala (J. Kraft).

Frans III (F. Nicolaes
Prins Frans III (F. Nicolaes)
Koeplèt:
't waor met vastelaovend en Pie had goojen doors,
heer zag tege zien vruike: iech höb geluif iech koors.
Iech gaon miech eine pakke deen doors is zoe geles,
geef miech mer ins get duite iech lös 'n ganse fles.
Mèh zie zag: Pieke stop! Dee weijer geit neet op!

Refrein:
Diech kins miech tralalalala, diech kins miech tralalalala
Diech kins miech tralalalala, en nog vaöl miejer
Diech kins miech tralalalala, diech kins miech tralalalala
Diech kins miech tralalalala, en nog vaöl mie

1966 Lekker Joonk (A. Paulussen/ M. Everaarts).

Crétien I
Prins Crétien I (C. Gielen)
Koeplèt:
Mèt Vastelaovend zien veer allemaol geliek
en eeder pèkske steit us ao zoe sjiek.
dao weurd neet geloerd nao bloond of gries,
want die daog is geine mins good wies.
Zuuch dao löp e lekker joonk.
't geit al gaw vaan moond tot moond.

Refrein:
Diech bis e lekker joonk, de höbs 'ne leuke moond.
Diech maags mich pune keend, iech bin zoe gaw verweend.
Diech bis e lekker joonk, de höbs 'ne leuke moond.
Diech maags mich pune keend, diech bis vaanoet Mestreech.

1965 Noonk Harie (L. Maas/ D. de Pauw)

Pierre III (P. Hommes
Prins Pierre III (P. Hommes)
Koeplèt:
Nook Harie, noonk Harie Dee maak gèt vaan z'ne jaan
Heer kleijt ziech bombarie en liek noe op tant Sjaan
Noonk Harie, noonk Harie Heet noe unne beatlekop
En veult ziech op Klevarie unne echte tienertop

Refrein:
Yeah, yeah, yeah Iech zèk mer mèh, mèh, mèh
Noonk Harie dee is knatsj En heer vertelt allein mer kwatsj
En heer zink yeah, yeah, yeah Iech zèk mer mèh, mèh, mèh
Noonk Harie dee is knatsj En heer vertelt allein mer kwatsj.

1964 De Maos-Boelvaar (M. Niël).

Bèr II (H. Essers
Prins Bèr II (H. Essers)
Koeplèt:
't sjoenste plein vaan gans 't land Dat is wied naor de maon
Dao bars 't vaan de oto's op Väöl sjoens is neet mie d'raon
Mèh es de knaar is towgegoeid De bloodbak op ut stort
Daan roope veer Hoera! Viva! Mestreech kump niks tekort

Refrein:
Mieljaar op dee Maosboelvaar Goon veer pareere en promeneere
Dao goon de mansluij in sjoen pèkskes En loupe vrowluij op hoeg hèkskes
Mieljaar op de Maosboelvaar Goon veer flaneere vaan hot naor haar.
Mieljaar op de Maosboelvaar Goon veer flaneere vaan hot naor haar.

1963 't Nissjeke (A. van Loo/ M. Everaarts).

Guus I (A. Knols
Prins Guus I (A. Knols)
Koeplèt:
Umtot 't vastelaovend is heet Lieske zoen gooi zin
Ze is vaan kop tot tien verkleid zoe tot häor geine kin
Ze lach en gèk met eederein en raoj 'ns wat ze zeet
Es ze Sjo of Sjeng of Sjang 'ns flink te pakke heet

Refrein:
Iech bin e nissjeke, e nissjeke vaan diech
Mèh jong dat wètste toch de liekens väöl op miech
Iech bin die nissjeke, iech maak diech gaar niks wies
Veer zien femielie al vaan in 't Paradies

1962 De Sjoekboks vaan bij Lena (M. Niël).

Pierre II (P. Steffens
Prins Pierre II (P. Steffens)
Koeplèt:
Bei Lena in de kaffee dao steit ’n apperaat
Met sjoen gekleurde lämpkes die branne dèks nog laat
Dat dink dat neump me sjoekboks en jaan en allemaan
die vinde dat moorddadig en zinge noe en daan

Refrein:
Leef Lena duij nog 'ns ein döbbeltje In de sjoekboks lekker dier
Leef Lena zèt nog 'ns dat pleetsje op Veur deen alderleste kier
Daan huure veer dee kerel kwele "Ach was ik maar bij meer gebleve"
Leef Lena zèt dat nog 'ns op Veur deen alderleste kier, lekker dier

1961 De Nozem (M. Niël).

Dré I (A. Abrahams
Prins Dré I (A. Abrahams)
Koeplèt:
Dao loupe allewijl vaan die jungskes op de straot
Mèt haore op dee kop jèh dat is sjus taankeldraod
E breukske mèt smal piepe, e humme, gein kravat
't lieke wel jong kukes zoe vaan de klook gestap

Refrein:
Noe rojem, zoe 'ne nozem Dee heet ze soms neet good op ’n rei
Bombarie, allegasie Gei wöllemke heet heer op zien prei.
Mèh met de Vastelaovend Daan kump heer oet de ploej
Daan sjaart 'r ziech 'n bloonte, ’n zwarte of ’n roej!
Noe rojem, zoe 'ne nozem Dee heet ze soms neet good op ’n rei
Bombarie, allegasie Gei wöllemke heet heer op zien prei

1960 Dreij daog d'r op oet (M. Nël).

Loe II (L. Buytendijk
Prins Loe II (L. Buytendijk)
Koeplèt:
Meh, zit toch neet zoe stom achter die roete.
Ge doot of geer neet wèt wat leve is.
Komp met de vastelaovend mer nao boete.
Veur eine kier höb geer daan niks gemis.
Sjang, pak diech d'n Merie, want noonde noondepie

Refrein:
Geer nump 't later toch neet mèt, ’n eederein dee dat wel wèt.
En eeder jaor, zeet mer gerös, daan lik de breef van de belasting in de bös.
De wereld is neet laank meh roond, dee good kin lache is gezoond.
En noe alleh Dreij daog drop oet, al mèt 'n trommel of 'n ratel en 'n toet.
En noe alleh Drei daog d'rop oet, al met 'n trommel of 'n ratel en 'n toet.

1959 Sjannèt (A. van Loo/ M. Everaarts)

They II (Th. Bovens
Prins They II (Th. Bovens)
Koeplèt:
Dao kûmp us Sjannètteke die deit zoe geere met.
Ze zink en kint sjoen danse, Calypso en Ballet.
En met de vastelaovend sprink ze vaan hot nao haar.
Veur alle hermenieje op of achter ’n fanfaar.
En eederein zink met dit sjoen koeplèt.

Refrein:
Sjannèt Sjannèt kom dans nog ins ballet.
iech zal diech auch trakteere astrein aon ’t buffet.
Sjannèt Sjannèt en veer goon samen oet.
En trèkke daan 't Vriethof op, in unne rijjaloet.

1958 Dat is de sajs (A. van Loo/ J. Feij)

Willy I (W. Kaasenbrood
Prins Willy I (W. Kaasenbrood)
Koeplèt:
Triene leep te prakkezeere Jèh wat kook iech noe vandaog.
Broun boene höbbe veer zoe geere mèh dat lik zwoer op de maog.
In ins dao zaog ze unne en die waore goojekoup.
ze koch toen veur e wöllemke en ze kraog einen hielen houp.

Refrein:
Vaan die unne unne unne heet us Triene sajs gemaak
en die unne unne unne höbbe köstelik gesmaak
en noe zeet deen erme maan.
"Iech höb al drei daog las devaan"
Vaan die unne unne unne lik iech noe op eine knap,
dat heet miech die unnesajs gelap!

1957 Zjeng de moneka (P. Bex)

Pierre I (P. Peeters
Prins Pierre I (P. Peeters)
Koeplèt:
Bei Zjeng thoes zien ze muzikaal dao späölt hoas ederein.
dat is miech dao e gekkehoes want alles löp doorein,
soms huurste niks es roll en rock zjus in 'n hinnehok
dao weurd gezoonge en gehos mèr daan kump Zjeng pas los.

Refrein:
Es Zjeng spaolt op de moneka en Merie op häör trompöt.
Daan huurste niks es rong rong rong zjus dee neger Arremstrong.
Soms blaos Merie e bitsje vals daor bij versjrik-lek hêl .
Daan rit Zjeng aon dee moneka en sprink haos oet zie vêl.
Daan rit Zjeng aon dee moneka en sprink haos oet zie vêl.