1979 - 1989

Leedsjes

ZH 06

1989 De kinder vaan `t Mooswief (P.Ruyters)

1989
Prins Robert I (R.Jessen)

Koeplèt:
Jao eeder jaor beij us in ut kommood
Zeuk iech nao e sjoen pekske en 'nen awwen hood
En iech höb iech get gevoonde wat miech steit
Daan goei iech miech dedoor zoe lang t geit

Refrein:
Veer zien de kinder vaan 't Mooswief
En in us hart klop de Mestreechter Geis
Dat huurt me good met vastelaovend
Daan zinge veer us heis
Veer zien de kinder vaan 't Mooswief
Vaan joonks aof’aon zien veer die dreij daog oonderweeg
En dat zal altied zoe blieve
Want veur us is d'r mer ein Mestreech

1988 Iech bin gebore in Mestreech (N.Heutz)

1988
Prins Lou III (L.Lausberg)

Koeplèt:
Rembrandt jao dee sjèlderde zoe good
Vondel zaot ‘t diechte in ‘t blood
Bach dee sjreef meziek oet losse hand
Iech zellef vin dat alles naovenant
Iech weet dat iech zoe get neet kin
Meh wat iech noets vergete bin

Refrein:
Iech bin gebore in Mestreech
Heij laog iech lachend in mien weeg
En es iech zoe get kin vertèlle
Wat zow iech daan nog miejer wèlle
Höb vastelaovend in mie blood
Dat deit 'n eederein zoe good
Jao wat iech altied viere zal
Is de Mestreechter karneval

1987 Mèt blaore aon mien veuj (P.Ruyters)

1987
Prins Math II (M.Hameleers)

Koeplèt:
Me vruike en de kinder aon mien zij
Veer blooze eeder jaor weer eus partij
Al lik de sjnie en is ’t erreg kaajd
Toch goon veer met de kinder nao ‘t fies vaan joonk en aajd

Refrein:
Met blaore aon mien veuj
Zoe vier iech vastelaovend in Mestreech
M'n kuute ingevet
Zoe loup iech miech die dreij daog leeg
M'n kneeje die zien stief
Vaan de kaw en vaan d’n draank
Toch gaon iech eeder jaor opnuij
En dat mien leve laank

1986 Harie boe hingste noe toch oet (Sj.Duchateau)

1986
Prins Jan I (J.Janssen)

Koeplèt:
Lieke is noe al d'n hielen tied
häör hermenieke en ouch häören Harie kwiet
Euveral heet zie gezeuk, zie is ten einde raod
Ze steit noe hel te rope op d'n hook vaan eeder straot

Refrein:
Harie boe hingste noe toch oet
boe biste met d'n hermenie gebleve
Harie boe hingste noe toch oet
De wèts toch zoonder diech kin iech neet leve
Laot miech noe toch eve wete boeste oet hings nondepie
Euveral bin iech aon 't zeuke meh noe weit iech ut neet mie
Harie boe hingste noe toch oet
Boe biste mèt d'n hermenie gebleve

1985 Met de dikke zjiem veurop (Sj.Duchateau)

1985
Prins Jef I (J.Loontjens)

Koeplèt:
Veer viere vastelaovend met 'n herremenie
Es veer weer goon beginne tèlle veer tot twie
Veer trekke door de straote, de dikke zjiem veuraon
En allemaol goon veer daan d’r-achteraon

Refrein:
Mèt de dikke zjiem veurop
Trèkke veer weer door de straote
Mèt de dikke zjiem veurop
Veule veer us neet verlaote
Mèt de dikke zjiem veurop
Zètte veer de ganse tent op ziene kop
En ouch al löp ‘t in de sop
Veer koume neet mie stop

1984 Hiel Mestreech dat zingk (B.Mommers/C.Mast)

1984
Prins Jean II (J.Servais)

Koeplèt:
Mestreech dat viert gezèllig vastelaovend
Ut steit op ziene kop
Goeit uuch dreij daog dedoor tot in d’n aovend
Want daan is ‘t weer op
't Kwik dat zit al in de vot, de kele die zien naat
De herremeniekes speule weer, soms neugter en soms zaat

Refrein:
Hiel Mestreech dat zink in 'ne groete krink
Hiel Mestreech trek oet in 'ne rijaloet
Wie 'ne boonte trein, allemaol achterein
Hup Merjenneke, pup Merjenneke
Zingk weer eederein

1983 Zingend door Mestreech (D.de Pauw)

1983
Prins Phil I (Ph.Dumoulin)

Koeplèt:
Zingentere goon veer door de straote
Vaan hot nao haar en daan weer trök
Kinderleef veer kinne 't neet laote
Want neet te koup dat is gelök

Refrein:
Allemaol op de sjouwers, allemaol noe op weeg
Allemaol goon veer dreij daog laank zingend door Mestreech
Allemaol op de sjouwers, allemaol noe op weeg
Allemaol goon veer zinge vaan: geef miech mèr Mestreech

1982 Unnen awwe loomel (Sj.Duchateau)

1982
Prins Jean I (J.Schreuder)

Koeplèt:
Mien vrow heet sjus op tied häör pekske klaor
Zie maak ziech nog e strikske in häör haor
Meh iech sjaar miech mer zoe get oet de kas
En vin dao 'nnen awwe loomel dee miech hiel good pas

Refrein:
Met 'nnen awwe lomel aon en 'n möts op vaan mien meer
Goei iech miech dedoor en höb iech völ plezeer
Met 'nnen awwe lomel aon en 'n möts op vaan mien meer
Gaon iech dreij daog laank de Vriethof op en neer
Iech gaon daan kaffee in en kaffee oet
En bloos miech daan te barste op mien aw berosde toet
Met 'nnen awwe lomel aon en 'n möts op vaan mien meer
Vier iech vastelaovend, jao iech bin Mestreechteneer

1981 Mestreech is eine groete kaffee (M.Boelen/H.H

1981
Prins Bert I (B.Beenkens)

Koeplèt:
Vaan Sint Pieter tot gans in Wieck
Sjaterd euveral meziek
Iech zal uuch noe get goon vertelle
De köp zien gaaroet neet te telle
Vaan de statie tot Klevarie
Is 't einen houp bombarie

Refrein:
Mestreech is eine groete kaffee
Mestreech dat sjöddelt op neer
Joonk en aajd sprink weer door de straote
Alle hoezer zien verlaote
Mestreech is eine groete kaffee
Oet alle kraone löp 't beer
Mestreech is eine groete kaffee
En sjölddelt dreij daog op en neer

1980 Boe de Brouwer is (J.Kraft)

1980
Prins Raymond II (R.Hommes)

Koeplèt:
't Waor in e broen kafeeke; veer hadde väöl plezeer
't Waor toch zoe gezèllig, veer spronge op en neer
Toen reep op-ins d'n ober: 't is d’n hoegste tied
Iech zaog uuch gere koume meh noe wèl iech uuch kwiet
Veer repe allemaol: Wat is dat veur ’n taol?

Refrein:
Boe de brouwer is hoof de bekker neet te zien
Dus sjöt nog mer 'ns in
Es gein beer mie is drinke veer e fleske wien
Veer kriege noe pas zin
Al sleit de klok twie oor
Veer goon nog eve door
Boe de brouwer is hoof de bekker neet te zien
Dus sjöt nog mer 'ns in

1979 Straotkarneval (P.Leenders/H.Hetzels

1979
Prins Michel I (M.Severijns)

Koeplèt:
Wie in us aajd Mestreech de vastelaovend weurt gevierd
Dat vinste nörreges
Wie dat diech door dien moojer en d'nne vajer woort gelierd
Zeuk dat mer örregens
Mestreechtenere zit de vastelaovend in ‘t blood
Vaan s’aoves tot smörregens
't zinge en ‘tt springe deit haöm zeenderouge good
Heer vergit zien zörreg ins

Refrein:
Mestreech, Mestreech, stad zoe sjoen aon de Maos
Es de boonte störrem raos
Mestreech, Mestreech, boe iech euveral waor
Toch verlangde iech steeds naor
Mestreech, Mestreech, wat iech noets vergete zal
Ouch al weur iech hoonderd jaor, is diene straotcarneval