1990 - 2000

Leedsjes

ZH 05

2000 Noe is `t tied (Patrick vd.Weijer)

Peter Reijnders
Prins Peter II (P.Reijnders)

Koeplèt:
Veer zien zoe vaan die lui, veer stoon dèks euveraol väöraon
en zeker met vastelaovend, num dat vaan us aon
want zien de naojes vaan de keersboum d'r aof
daan tèlle veer de daog weer langsem aof

Refrein:
Noe is 't tied tot de meziek begint te speule
lui goon drejje wie 'n meule in 't roond, de gansen tied
Leedjses klinke wie gediechte, zuug dee lach op die geziechte,
ach wat veule veer us riek.
Noe is 't tied Zingentere goon veer same euver straot
Eder zate hermenieke späölt häör sjoenste melodieke

gans Mestreech moot wete :
't is noe weer zoe wiet! .

1999 Laot de boel mer goon (M.Quaaden/P.Ruijters)

Mathieu Hulst
Prins Mathieu I (M.Hulst)

Koeplèt:
D'n aofwas op de stein is get veur ore,
veur pótse,zuige,stöbbe geinen tied,
Me werk jao dat maag nog eve dore,
blijf lekker toes; höb gaaroet geine spiet,
iech deenk allein mer aon de drei daog laank,
tot 't mer bars noe gaon iech miene gaank...

Refrein:
Laot de boel mer goon,
al dreijt de wereld neet mie roond,
al löp de Maos hei langsem leeg,
blief dao noe neet stoon,
geef miech d’n hand kom mèt miech mèt,
iech bring diech zingend door Mestreech,
Laot de boel mer goon,
nao e gans jaor höbbe veer 't us verdeend,
en prakkezeer noe neet zoe zier,
vier vastelaovend want de leefs mer eine kier.

1998 Mörgevreug (M.Quaaden/P.Ruijters)

Tom Gilissen
Prins Tom I (T.Gillissen)

Koeplèt:
Iech höb al ore laank gaar gei geveul mie in mien bein
Iech moot nao hoes touw loupe meh m'n sjeun die zien te klein
De kaffees die zien touw en zuug de nach is haos veurbij
Hei staon iech noe gesjmink,verkleid mieljaar wat daon iech hei ?
Mestreech dat ligk al ore op ’n oer
Dee vastelaovend velt miech erg zwoer

Refrein:
Meh mörgevreug is alles aanders Daan staon iech speulenteer veuraon
Jao mörgevreug daan geit ’t beter Daan gaon iech achter eder hermenieke aon
Mörgevreug is alles aanders Dat gief m'ch nuie mood
En nao m’n ierste gleeske beer
krijg iech sjevraoje
meh toch drink iech mèt plezeer.

1997 Nog eint (M.Quaaden/P.Ruijters)

Peter Schrijen
Prins Peter I (P.Schrijen)

Koeplèt:
Mèt vastelaovend steit heer alle daog aon 't buffèt
Dao zingk heer en dao springk heer daan mèt eder leedsje mèt
Aon eder maske vreug heer wie 't geit
Vergit daan veur 'n oor zie groetste leid
Dee karneval dee viert heer daag en nach
Daan zeet d'n hospes oonverwach...

Refrein:
Nog eint meh jong dat is 't lèste
En daan geit 't leech hei oet
Nog eint meh jong dat smaak ’t bèste
En daan goej iech diech hei d'roet
Noe kom en gaank 'ns nao de vruike
Meh sjmink diech iers good aof
Astrein krijgs tiech vaan miech 't ierste
Dat höb iech diech belaof

1996 Dreij daog verlore (M.Quaaden/P.Ruijters)

Charles Peeters
Prins Charles II (Ch.Peeters)

Koeplèt:
Un heise stroot, m'n veuj kepot, m'n tong wie schoorpepier
M'n vuurroej oere toete vaan ‘t blooze kier op kier
Iech loer get euverkruus dat is vaan de pijn aon miene kop
M'n tesse die zien leeg, noe zien mien duite ouch nog op
En ummertow deenk iech, iech stop veurgood
Meh ut zit miech in ‘t blood

Refrein:
drei daog laank verlore Eine kier per jaor
Veuls diech wie herbore En bis daan weer e gans jaor veur d'n hiele wereld klaor
drei daog laank verlore Dat is hei 'n eederein Want boeste geis of boeste steis,
Tröfste de Mestreechter Geis
Iech bin drei daog in Mestreech verlore

1995 Diech bis `t zönneke (Ursula en Bert Garnier/J.Thoma)

Rene Persoon
Prins René I (R.Persoon)

Koeplèt:
En iech höb vlinders in miene boek
En iech bubbel wie e bleedsje aon 'ne stroek
M'n haore stoon rechop, m'n kneje knikke hel
Iech krijg sjevraoje, jao iech höb hinnevel
Es iech diech mèt karneval zeen goon
Daan deenk iech: wie kin zoe get bestoon

Refrein:
Diech bis 't zönneke, jao diech allein
Es iech diech zeen daan bubbele m’n bein
Of 't noe regent of störmp in Mestreech
Diech bis veur miech e werm zonneleech
En eederein dee kin ‘t aon diech zien
Diech bis veur miech e sträölke zonnesjien
Vaan diech allein kreig iech kriebels in de maog
Diech bis 't zönneke veur miech met die drei daog

1994 Iech bin zoewie iech bin (F.Bollen/H.Bollen)

Barry Berghmans
Prins Barry I (B.Berghmans)

Koeplèt:
't Is oongeluifelek wat hei gebäörd
Daoveur höb iech gaaroet gein wäörd
Iech weet d'n haventied neet wat iech zeen of huur
Dee vastelaovend is zoe puur
Vendaog gaon iech es lampekap en mörge es knien
De zals hei mèr gebore zien

Refrein:
Iech bin zoewie iech bin, zoewie iech bin bin iech gebore
Iech bin zoewie iech bin, en dat kin miech zoe bekore
Iech bin zoewie iech bin, zowie iech bin maak miech zoe blij
Iech bin zoewie iech bin, en daorum blijf iech altied hei

1993 De Straoteluiper (Ursula en Bert Garnier/J.Thoma)

Wim Knols
Prins Wim II (W.Knols)

Koeplèt:
Iech höb 't in m'n kneuk en miene pokkel
Gèt aon mien oere, vaan dat truite en getokkel.
Iech höb daan twie han, dao kinste dreij daog sop vaan trèkke
en op m'n veuj höb iech niks aanders es blouw plèkke.
De kreigs miech met gein tien peerd mie nao hoes.
Iech veul miech met die daog op de straot 't beste toes.

Refrein:
Iech bin 'ne straoteluiper met de Karneval.
De zuus miech nörreges en toch weer euveral.
Want op de straot dao leef iech miech lekker oet.
Sjaar miech e trömmelke en bloos 'ns op m'n toet.
Iech dans en spring daan door de Groete Staat,
't maak niks oet al weurt ’t vreug of weurt ’t laat.
Want iech gaon door tot iech gaar neet mie kin stoon
en op mien kneeje nao m'n hoes terök moot goon.

1992 Iech huur `n herremenie (Sj.Duchateau)

Jean-Louis Tuinstra
Prins Jean-Louis I (J.L.Tuinstra)

Koeplèt:
Deen herremenie meziek, dee vinde veer zoe sjoen
Ut geit us aon us prei, dao kinne veer toch niks aon doen
Veer hove us ouch gaar neet te bedeenke
Es herremeniemeziek begint te klinke

Refrein:
Iech huur 'n herremenie, kom keend iech haw ’t neet mie
Pak diene jas en veer vlege d'r achteraon
Achter die herremenie goon veer daan fijn met us twie
Door alle straote en door eeder laon
Huur iech dee sjoene meziek, bin iech d’n hiemel te riek
Daan bin iech blij met diech hij aon mien zij
En bij de volgende kier, dat geef iech op pepier
Zien veer weer vaan de partij.

1991 Iech höb de piep leeg (Ursula en Bert Garnier/R.Villevoye

Rob van Leendert
Prins Rob I (R.v.Leendert)

Koeplèt:
Huurt bijj vastelaovend, zoe meuj zien wie 'n maoj
Es iech ze zeen sjavere daan kreich iech ’n sjevraoj
Es veer us ammesere met us Bourgondisch blood
Daan kin us dat niks deere want daan veule veer us good

Refrein:
Iech höb de piep leeg, vaan al dat vege door Mestreech
Iech höb de piep leeg, mer iech geef m ‘ne veeg
De Vriethof weer op, ’t Slevrouweplein weer aof
Nog eve langs de merret höb iech Minckeleers belaof
Iech zegk uuch noondesjuu, iech höb pein aon mien pu
Iech höb de piep leeg vaan al dat vege door Mestreech
Vaan 's mörregens vreug tot stareleech

1990 Mien mojertaol (F.Bollen/H/Bollen)

Nico Kempeners
Prins Nico I (N.Kempeners)

Koeplèt:
De vastelaovendskoorts heet hun bevaange
D'n intercity nao de lol dee zit weer barstensvol
Daan zien 'rs ouch nog die blieve haange
Gans door Mestreech en ziene Geis bevaange
Mer iech bin pas kontent
Es eedere student, toeris of wee hijj binnegeit
Mien mojertaol versteit
Met karneval, dat is noe sjus de kloe
Daan liere zie ‘t zoe wie zoe

Refrein:
Sjievel, sjravel, sjroeveleer zegk miech dat noe mer ins nao
Zuuste, zag ze, zeedeleer ut is neet lestig veer zien bijnao dao
Knievel, knoevel, knawweleer nog eve en daan zien veer klaor
Fritsel, frutsel, fretske, speule in ’t getske
Dat is noe mien mojertaol
Fritsel, frutsel, fretske, e bitsje is e kletske
Mien mojertaol die lierste neet op sjaol