Prinsen 2012-2020

PEERSCOMMUNIQUÉ STADSPRINS OSCAR I
De Tempeleers
Naomes de Ministeries vaan Protocol , Opgekläörde zakes en Gedrökpeersde zakes
Mestreech , 13 jannewarie 2013
Op dizze veur Mestreech uters importanten daag in ’t vreuge vreugjaor vaan 2000 plus eine kier èlf plus twie, make veurneumde Ministeries mèt vräög bekind tot d’n hier dee wierdeg is bevoonde um Mestreech veur te goon in de zwoer meh plezerege daog vaan Vastelaovend vaanaof noe gekind zal zien es Oscar I , Stadsprins 2013 vaan Groet-Mestreech. Mèt belump en vaste hand zal heer Mestreech op oonnaovolgbaar wijs veurgoon in de vegilie vaan en de heerleke daog vaan Vastelaovend zelf.
Uzze Stadsprins , in ’t börgerleve Oscar Vandeberg , weurt op 16 fibberwarie 42 jaor joonk en is getroujd mèt zijn leeftalleg Prinses Yvette dochter vaan Han en Gene Deckers , kleindochter vaan “De Wever”. Zie woene same mèt hun 3 kinder , Bas ,Tom en Fréderique in de Wethawwer van Caldenborghlaon 54 in Sjaan. Daor kaom heer terech nao diverse umzwervinge in Oss, Mestreech, Bun, Ulestraote en weer Mestreech.
In ’t daogelekse leve deit heer de commerciële kant vaan greune energie zoewel gaas es leech es manager bij Cofely-GDF SUEZ . Vaan origine startde heer zien carrière wie ‘ne echte Mestreechteneer op de apekeutele sjaol um via de lieger sjaol, ’t Jeanne d’Arc college en de Hogeschool Heerlen ziech te bekwaome in Facility management. Op de universiteit vaan Mestreech deech heer de Masterclass Bussinessplanning en Entrepeneurship. En de studies zien nog neet aofgeloupe. Zien werkgevers veurheen waore oonder aandere Getronics en Mulix ICT.

Op sportief vlak geit zien hart oet nao voetballe , MVV steit hoeg in ’t veendel meh ouch VV Sjaan huurt riggelmaoteg zien commentaar langs de lijn bij ’t coache vaan zien zäöns. Heer perbeert zoe aof en touw get te golve meh zien groete leefde in Vastelaovendstied geit oet nao de Bataviere boe heer lid en opriechter is vaan ’t ierste oor.
Es de temperature ’t touwlaote geit heer gere get vare op ’t water bij Randwyck boe heer fanatiek lid is. Maotsjappelek waors heer tot veur kort lid vaan de Juniorkamer Mestreech International boe heer nog altied ierelid vaan is.
Zakelek is heer ouch nog verboonde aon de SIM en de LWV studieclub Maastricht2.

't Stumpke

't Nejkiske (Ridder/Officeer/Commandeur/Groet-Officeer)

Personalia en Titulatuur Stadsprins Mestreech 2012

Han I

Pensio-pecuniaricus Musico-trombononicus Declama-orericus
Groet Hertog vaan de Hoeg Froonte
Erfprins vaan de Pestoer Habetsstraot
Lienhier vaan 't Jekerdal
Groet Declamateur vaan ’t vertèlfestival
Directeur Musical vaan Klop diech ’n Eijke mèt Trombone
Besjermhier vaan alle pensioene vaan ’t APG mèt tölraom
Iere Kachelpieper avant la plume
Titulair buldreger in de gezoondheidswetensjappe aon de RUL in Mestreech
Iere soigneur vaan de jäög vaan MHC
Drappokommandant vaan alle zate Hermeniekes
Protecteur vaan de Mestreechter Vastelaovend